30 Mart 2008 Pazar

Tebrik edirik.

3.Azerbaycan gençler arası (14-18 yaş) Karate-Turando milli şampiyonasında Qafqaz Universiteti İdman Klubu adından yarışan 1 kurs talebesi Sədi ALLAHVERDİYEV 63 kg derecesinde Azerbaycan 1.si olmuştur.

İNEPO-EUROASİA Azərbaycanın tanıdılmasında əvəzsiz rol oynayır


Bu il 1-7 aprel tarixləri arasında ikincisi keçiriləcək ekologiya və təbiəti mühafizə problemlərini araşdıran və onlardan çıxış yollarına həsr edilmiş Beynəlxalq Ətraf Mühitin Mühafizəsi Layihə Olimpiadasına (İNEPO-EUROASİA) hazırlıq işləri artıq yekunlaşmaq üzrədir. Bu barədə məlumat verən “Çağ” Öyrətim İşlətmələri Baş İdarəsinin rəisi Adəm Önal bu yarışmanın Ekologiya və Təbii Sərvətlər Nazirliyi, Təhsil Nazirliyi, Dövlət Neft Şirkəti, “İctimai” Televiziyanın dəstəyi və “Çağ” Öyrətim Şirkətinin təşkilatçılığı ilə baş tutacağını söylədi. Onun sözlərinə görə, ilk dəfə Azərbaycanda keçirilən bu olimpiadaya maraq keçən illə müqayisədə xeyli artıb: “Keçən il sözügedən olimpiadada 17 ölkənin təmsilçiləri iştirak etmişdilər. Bu il isə yarışmaya qatılacaq ölkələrin sayı 31-ə çatıb. Bundan əlavə, respublikamızın müxtəlif bölgələrindən, hətta ucqar kəndlərindən də məktəblilər layihəyə böyük maraq göstəriblər. İndiyə kimi ölkə daxilindən 138 layihə qəbul etmişik ki, bunlardan da 36-sı olimpiadada iştirak hüququ qazanıb. Həmin layihələr Azərbaycanın 18 rayonundan göndərilib. Azərbaycanın xaricindən isə yarışmada 41 layihə təmsil olunacaq”. Olimpiadada hər bir layihəyə xüsusi diqqət ayrılacağını deyən Adəm Önal qiymətləndirmənin 20-dən artıq əcnəbi və yerli elm adamından təşkil olunmuş münsiflər heyəti tərəfindən aparılacağını söylədi. Önal olimpiadanın Azərbaycanın tanıdılmasında da əvəzsiz rol oynayacağını vurğuladı: “Olimpiada təhsil və ekologiya sahələrinin inkişafında rol oynadığı kimi, Azərbaycanın tanıdılmasında da önəm daşıyır. Məsələn, yarışmada Meksika, Filippin, Burkino Faso, Kosta-Rika, Şri-Lanka kimi dövlətlərin nümayəndələri çıxış edəcəklər ki, onların da ölkəmiz haqqında, ümumiyyətlə, anlayışları yoxdur. Biz olimpiada iştirakçılarını Bakının tarixi yerlərinə aparmaqla, qədim Azərbaycan haqqında məlumatlar verməklə, son illərdə respublikamızın qarşılaşdığı problemlərdən, qazandığı uğurlardan danışmaqla onlara ölkə reallıqlarını çatdıracağıq”.
Anar Hacı
www.zaman.az

27 Mart 2008 Perşembe

Mutluluklar Dileriz

Qafqaz Üniversitesi bu hafta iki düğünle üç personelini birden evlendirdi.
Adalet&Şule çifti 23.Mart.2008 (İkiside Qafqaz Personeli)
Perviz&Aygün çifti 22.Mart.2008


Üniversite personelinden bir grup iki düğüne katılmak için küçük bir gezi düzenlediler. İşte Bakü-Şamahı-Ağdaş-Mingeçevir-Şeki-Zagatala-Balaken-Tülü'ye kadar uzanan "düğün yolunda" yaşananlar:

video

Yurdumuza Bahar Geldi

http://fotogezgin.blogspot.com/2008/03/yurdumuza-bahar-geldi.html

Daha fazlası için

http://www.flickr.com/photos/22826325@N06/

Tebrik Edirik




18 Mart 2008 Salı

Qafqaz Universiteti Novruz şənliyi keçirib

Abşeron rayon Mədəniyyət Evində Qafqaz Universitetinin təşkilatçılığı ilə Novruz Bayramı münasibətilə bayram tədbiri təşkil edilib. Tədbirdə çıxış edən Qafqaz Universitetinin rektoru, professor Ahmet Sanic deyib ki, fəaliyyətə başladığı ildən etibarən hər il Novruz Baramı ərəfəsində universitetin müəllim və tələbələrinin iştirakı ilə bayram tədbiri keçirilir. Onun sözlərinə görə, 10 min ildən çox tarixə malik olan Novruz təkcə tərəqqi, təkamül rəmzi kimi təkcə təbiətin oyanışını deyil, həm də insanların arzu və ümidlərinin, niyyətlərinin pöhrələnməsini təcəssüm edən bir bayramdır: "Sırf Azərbaycan xalqına xas olan bayramlardan ən müqəddəsi Novruz bayramıdır. Bəşər sivilizasiyasının beşiyi sayılan bu məmləkət tarix boyu özünə məxsus adət-ənənələri ilə seçilib, məşhurlaşıb. Bu baxımdan, Novruz bayramının tarixi Azərbaycan xalqının mövcud olduğu dövrlərə təsadüf edir. Oda, Alova sitayiş olunan dövrlərdə atəşpərəstlərin və bəşər tarixinin ilk kitabı olan Avestada Azərbaycan xalqının tarixi keçmişi, milli-mənəvi dəyərləri barədə də məlumatlar yer alıb. Bir çox millətlər Azərbaycan xalqına məxsus olan Novruz bayramını öz adlarına çıxmağa cəhd göstərsələr də, tarixi dəlillər bunun əksini təsdiq edib". A.Sanicin dediyinə görə, artıq xeyli müddətdir ki, Azərbaycanda yaşayır və Novruz Bayramının hər il ölkənin bütün ərazilərində təntənə ilə, adət-ənənələrə uyğun şəkildə qeyd olunduğunun şahidi olur: "Azərbaycan xalqı tarixi kökünə, milli adət-ənənələrinə çox bağlı bir xalqdır. İnsan həyatına yenilik, süfrələrə xeyir-bərəkət bəxş edən Novruz da qədim köklərə malik, xalqın tarixi yaddaşında, milli təfəkküründə özəl bir yer tutan bayram olduğu üçün hər il təntənə ilə qeyd edilir". Tədbirin sonunda universitetdə təşkil edilən mini-futbol, şahmat və stolüstü tenis oyunlarının qaliblərinə A.Sanic tərəfindən hədiyyələr təqdim olunub. Tədbir konsert proqramı ilə davam edib.
S.QARAYEVA

www.525.az



13 Mart 2008 Perşembe

International Congress on Children’s Literature of Turkish Folks


Qafqaz Üniversitesi, 2004 yılında, 7 ülkeden, 23 ayrı universiteden 70 bilim adamının katılımıyla gerçekleştirmiş olduğu Türk Halklarının Edebi Geçmişi: “Türk Destanları” konulu Uluslararası kongrenin devamı olarak “Türk Halkları Çocuk Edebiyatı” başlıklı Uluslararası kongre düzenleyecektir.
AMAÇ

Bu kongre aracılığıyla; hayatın her kademesinde, millî, manevî ve kültürel değerler açısından son derecede önem taşıyan ve milletleri ileri götürecek çocukların eğitim ve karakterlerinin şekillenmesinde vazgeçilemez bir yere sahip olan Çocuk Edebiyatı’nın ehemmiyetini vurgulamak;
Konuyla ilgili, Türk halkları arasında günümüze kadar yapılmış olan çalışmaların yaygınlaşmasını, gelişmesini ve ortak bir paydaya taşınmasını sağlamak;
Bu sahada yazılmış olan eserlerin ve müelliflerinin tanıtılmasına katkıda bulunmak;
Böylece yazarları, Türk toplumlarının ortak değer hükümlerini ifade eden nitelikli eserler kaleme almaya teşvik etmek;
Çocuklar için eserler ortaya koymanın zor ve sorumluluk isteyen bir görev olduğunu yetkililere ve kamuoyuna duyurup, ilgilileri bu önemli vazife için seferber olmaya davet etmektir.

http://www.qafqaz.edu.az/index.php?z=1356&dil=tr

Qafqaz Üniversiteti 2004-cü ildə 7 ölkənin 23 ayrı universitetindən 70 mütəxəssisin iştirakı ilə təşkil etdiyi “Türk xalqlarının ədəbi keçmişi: Türk Dastanları” adlı beynəlxalq konqresin davamı olaraq “Türk xalqları uşaq ədəbiyyatı” mövzulu beynəlxalq konqres keçirəcəkdir.
MƏQSƏD
Bu konqres vasitəsilə; həyatın hər mərhələsində, milli, mənəvi və mədəni dəyərlər və millətlərin gələcəyi baxımından son dərəcə böyük əhəmiyyət kəsb edən uşaqların təlimində və xarakterlərinin formalaşmasında danılmaz yerə sahib olan uşaq ədəbiyyatının roluna diqqəti cəlb etmək;
Mövzu ilə bağlı türk xalqları arasında müasir dövrə qədər yerinə yetirilmiş işlərin təbliğinə, inkişafına və ortaq bir müstəviyə daşınmasına nail olmaq;
Bu sahədə yazılmış əsərlərin və müəlliflərinin tanıdılmasına səy göstərmək;
Bu minvalla yazıçıl və şairləri türk toplumlarının ortaq dəyərlərini əks etdirən əsərlər qələmə almağa təşviq etmək;
Uşaqlar üçün əsərlər yazımağın çətin və məsuliyyətli bir iş olduğunu cavabdeh şəxslərə və xalqa bildirərək, bu önəmli vəzifə üçün onları səfərbər olmağa dəvət etməkdir.

http://www.qafqaz.edu.az/index.php?z=1356&dil=az

Qafqaz University will hold an International Congress on ‘Children’s Literature of The Turkish People’ as a follow-up of a previous congress “History of Literature of The Turkish People”: “Turkish epos”, at which 70 scholars from 23 different universities of 7 countries attended in 2004.
OBJECTIVES:

● use the Congress to underline the importance which children’s literature plays as an irreplaceable role in molding children’s personality and developing in their educational environment, as well
as bearing a particular importance on every stage of their development in terms of national, moral and cultural values;
● to disseminate, improve and find common ground in the works on the subject created by recent Turkic writers;
● to help raise the awareness of works and authors on the subject;
● to encourage writers to create works which manifest Turkish values:
● to invite those who are interested in writing for children and to bring to the notice of the community the challenges and responsibilities which accompany those tasks.

12 Mart 2008 Çarşamba

Qafqaz Universitetində Beynəlxalq qadınlar günü ilə əlaqədar tədbir keçirilib

Qafqaz Universitetində 8 Mart Beynəlxalq qadınlar günü münasibətilə tədbir təşkil olunub. Tədbirdə çıxış edən Qafqaz Universitetinin rektoru, professor Ahmet Sanic deyib ki, Azərbaycanda qadınlar kişilərlə eyni hüquqa malikdir. Onların standartlara uyğun səviyyədə təhsil alması, seçdiyi ixtisaslara uyğun işlə təmin edilməsi üçün dövlət tərəfindən lazımi şərait yaradılır. Onun sözlərinə görə, bu gün elə bir dövlət və qeyri dövlət müəssisəsi yoxdur ki, orada qadın çalışmasın: "Zərif cinsin nümayəndələri içərisində bu gün vəzifə sahibi olan qadınlar da az deyil. Vəzifələrinin icrasında, üzərlərinə düşən öhdəliklərin yerinə yetirilməsində bu qadınlar heç də əks cinsin nümayəndələrindən geri qalmırlar". Millət vəkili Rəbiyyət Aslanova Azərbaycan qadının cəmiyyətdə tutduğu yer və mövqe barədə danışaraq bildirib ki, bu gün cəmiyyətdə qadınların özünəməxsus yeri var. Onlar çalışdıqları idarə və təşkilatlarda vacib qərarların qəbulunda yaxından iştirak edirlər. R.Aslanova qeyd edib ki, qadınların inkişafı və peşələri üzrə inkişaf etmələri, imkan və bacarıqlarını nümayiş etdirmələri üçün dövlət tərəfindən lazımi şərait yaradılır. Tədbirdə çıxış edən təhsil nazirinin müavini İradə Hüseynova isə vurğulayıb ki, bu gün təhsil sistemində xeyli sayda qadın çalışır. Ölkənin ümumtəhsil məktəblərində, məktəbəqədər təhsil müəssisələrində də çalışan qadınların sayı az deyil. Tədbirin sonunda qonaqlara rəhbərlik tərəfindən hədiyyələr təqdim olunub.
S.QARAYEVA

Qafqaz Universitetində Koreya Azərbaycan əlaqələri mövzusunda seminar keçirilib

Qafqaz Universitetində "Koreyada iqtisadi inkişaf və Koreya Azərbaycan əlaqələri" mövzusunda seminar təşkil olunub. Seminarda çıxış edən Qafqaz Universitetinin rektoru, professor Ahmet Sanic deyib ki, universitetdə mütəmadi olaraq müxtəlif mövzulu seminarlar keçirilir. Seminarlarda tələbələrlə yanaşı yüksək ixtisaslı mütəxəssislər də iştirak edir. Bu kimi seminarların təşkili isə orada müzakirə edilən mövzular haqqında tələbələrin daha ətraflı məlumat almasına şərait yaradır. Onun sözlərinə görə, Qafqaz Universitetinin Koreyanın Hanq Yanq Universiteti ilə qarşılıqlı əməkdaşlıq əlaqələri mövcuddur: "Bu əməkdaşlıq gələcəkdə daha da möhkəmlənəcək". Koreyanın Azərbaycandakı fövqəladə və səlahiyyətli səfiri Lev Kvang-Chul isə Koreyanın 60-cı illərdən sonrakı inkişafı yolundan danışıb. Səfir Azərbaycan Koreya münasibətlərinə də toxunaraq bildirib ki, hər iki dövlət arasında iqtisadi, mədəni və təhsil sahələri üzrə qarşılıqlı əməkdaşlıq əlaqələri mövcuddur. Seminarın sonunda səfirə universitetin fəxri plaketi təqdim olunub.
S.QARAYEVA

www.525.az

4 Mart 2008 Salı

MİSİR MƏRDANOV,Azərbaycan Respublikası Təhsil Naziri

Çağ Öyrətim Şirkətinə daxil olan Azərbaycan-Türkiyə Özəl liseylərində
təhsil alan şagirdlərdən beynəlxalq olimpiada qaliblərinin mükafatlandırılması ilə bağlı keçirilmiş tədbirdəki çıxışı, 4 fevral 2006-cı il

Hörmətli Ənvər bəy, Qafqaz Universitetinin hörmətli rektoru, Türkiyədən gəlmiş hörmətli qonaqlar, xanımlar və cənablar, əziz tələbələr və şagirdlər!
Mən sizin hamınızı ürəkdən salamlayır və xoş gördük deyirəm. Bir neçə gün bundan əvvəl Ənvər bəylə hörmətli rektor Ahmet bəy təhsil nazirliyinə gəldilər və mənə müraciət edərək olimpiadada qalib gəlmiş balalarımızı birlikdə təbrik etmək üçün birgə tədbir keçirməmizi xahiş etdilər. Biz bu tədbirin harada keçirilməsini müzakirə etdik və məncə cox düzgün qərar qəbul etdik- bu tədbiri burada, Qafqaz universitetində keçirmək qərarına gəldik. Bu gün mən bir daha əmin oldum ki, biz doğru hərəkət etmişik.
Mən bu tədbirə tək gəlməmişəm. Nazirliyin, demək olar ki, əsas idarə və şöbə müdirləri bu gün bu tədbirdə iştirak edirlər.
Bu gözəl tədbirdə iştirak etməkdə bizim iki məqsədimiz vardır. Birincisi, olimpiada qaliblərini birlikdə təbrik etmək və birlikdə sevinməkdir. İkincisi isə, bizim Qafqaz Universiteti ilə bağlı ayrı fikirlərimizin müzakirəsi məsələsidir. İkinci məsələ barədə bir qədər sonra daha ətraflı danışacağam.
Fürsətdən istifadə edərək, mən bilik yarışlarında yüksək yer tutaraq bizim hamımızı sevindirmiş şagirdləri, onların müəllimlərini təbrik edirəm, onları bu dərəcəyə çatdıran, ümumiyyətlə bu işdə zəhməti olan bütün insanlara təşəkkür edirəm və minnətdarlığımı bildirirəm.
Burada məndən öncə çıxış edənlər əslində Çağ Öyrətim Şirkəti və onun önəmli qurumlarından biri olan Qafqaz Universitetinin kənardan hamar görünən işlərindən danışdılar. Mən də o deyilənlərin hamısı ilə şərikəm. Doğrudan da, Çağ Öyrətim Şirkəti 14 il ərzində Azərbaycanda çox böyük işlər görmüşdür. Bəlkə də biz bu işlərin həqiqi qiymətini bu gün layiqincə verə bilmirik. Mənə belə gəlir ki, gələcək nəsil bu günə qədər görülmüş işlərə və bu gün görülən işlərə daha yüksək qiymət verəcəkdir. İndi biz bunu o qədər də hiss etmirik. Ancaq eyni zamanda sizlərin çoxlarınız bilmirsiniz ki, bu işlərin bu səviyyəyə gəlməsinədək nə qədər böyük zəhmətlər çəkilib, nə qədər çox işlər görülüb və nə qədər çox qapılarda gözlənilib, çətinliklər çəkilib. Bunların bir çoxunu, bir neçəsini mən də görmüşəm. Bu gün təvazökarlıqdan uzaq da olsa demək istəyirəm ki, bu işlərin bu günə gəlib çatmasında mənim də müəyyən qədər payım vardır.
Azərbaycanda yaşayan, keçid dövrünün reallıqlarını bilən insanlar yaxşı dərk edirlər ki, heç də hər iş asan başa gəlmir. Azərbaycanda müasir universitet qurmaq, belə bir universitet yaratmaq hər kişinin işi deyil. İndi mən bura gələrkən bir də fikir verdim, belə bir gözəl yerdə universitet şəhərciyi yaratmaq çox çətin və eyni zamanda şərəfli bir işdir. Ənvər bəy başda olmaqla Çağ Öyrətim Şirkətinin rəhbərliyi bir neçə il ərzində, bəlkə də min qapını döyərək, o qapılarda saatlarla gözləyərək, yorulmadan, israrla bax bu Qafqaz universitetinin inşasıni bugünkü günə gətirib çatdırıb. Hamınız çox yaxşı bilirsiniz, adicə bir ev tikmək nə qədər çətinliklə başa gələn işdir. Ancaq bu şirkətin rəhbərliyi və bu şirkətə yardım eldən insanların köməyi ilə bu gün Azərbaycanda bütün universitetlərimiz üçün nümunə olan bir universitet qurulmuşdur. Ona görə də mən dönə-dönə bu işi görən, həmçinin, bu işə yardım edən insanlara Azərbaycan xalqı adından, Azərbaycanın Təhsil Nazirliyi adından, şəxsən öz adımdan minnətdarlığımı bildirmək istəyirəm. Çox böyük iş görülmüşdür. Mən yenə demək istəyirəm, indi bu gün bizim hərəmiz müəyyən yaş həddindəyik, vaxt gələcək ki, Allahın bildiyi kimi, bəzilərimiz o günü görəcəyik, bəzilərimiz görməyəcik. Görən adamlar Çağ Öyrətim Şirkətinin Azərbaycanda indiyədək və bu gün gördüyü işləri daha yüksək qiymətləndirəcəklər.
Doğurdan da, Çağ Öyrətim Şirkəti tərəfindən təsəvvürə gələməyən dərəcədə çox böyük işlər görülmüşdür. Şirkətin Azərbaycanda açdıği 12 məktəb və Qafqaz Universiteti bu gün Azərbaycan xalqına xidmət edir. Nəzərinizə onu da çatdırmaq istəyirəm ki, bir zamanlar Azərbaycanda bu işə qarşı çox ciddi maneçilik törətmək istəyən adamlarla da rastlaşmışıq. Mən bunların da şahidi olmuşam. Hətta, bu məktəbləri bağlatmaq istəyənlər də olmuşdur. Ancaq, Allaha çox şükürlər olsun ki, onlar öz istədiklərinə nail ola bilmədilər, biz isə öz istəyimizə nail olmuşuq. Mən niyə bu məsələləri bir az açıq danışıram? İstəyirəm ki, bugünkü şagirdlər də, müəllimlər də, tələbələr də, qonaqlarımız da və valideynlərimiz varsa onlar da bilsinlər ki, bu məsələlər heç də asan və öz-özünə əmələ gəlməmişdir. Onlar çox böyük çətinliklə əmələ gəlmişdir.
Çağ öyrətim şirkətinin Azərbaycanda fəaliyyətə başlamasına xeyir-dua verən xalqımızın ümummilli lideri Heydər Əliyev cənablarıdır. Allah ona qəni-qəni rəhmət eləsin. Xahiş edirəm, elə bu yerdə o böyük insanın xatirəsini yad edək. ( Anma)
Allah rəhmət eləsin! Xahiş edirəm, əyləşin.
Çağ Öyrətim Şirkətinin ən böyük xeyir-duasını Azərbaycan respublikasının prezidenti hörmətli cənab İlham Əliyev verib və verir. Onun bu barədə öz sözünü burda sinevizyon görüntülərində eşitdiniz. Ancaq tək prezidentin dəstək verməsi hələ işin hamısı deyil, əlbəttə, əsasıdır və başlanğıcıdır. Ancaq yenə deyirəm, bu təhsil müəssisələrinin bugünkü səviyyəyə gəlməsində çox böyük zəhmət çəkən insanlar vardır. Xüsusilə, Türkiyədən Bu Şirkətin sponsorları olublar. Bu gün də onlar var. O da bir danılmaz gerçeklikdir ki, Şirkətin rəhbərləri bu işdə çox böyük zəhmət çəkiblər.
Məndən həmişə soruşublar və bu gün də jurnalistlər, mətbuat işçiləri soruşurlar ki, siz həmişə bu Şirkəti dəstəkləyirsiniz və dəstəklədiyinizi deyirsiniz, niyə dəstəkləyirsiniz? Mən onlara indiyə qədər hələ belə açıq cavab verməmişəm, ancaq indi buradan bu Şirkətin fəaliyyətini nə üçün dəstəklədiyimin cavabını verirəm. Bəlkə sualı belə verəsiniz? Bu şirkətin nə amalı var? Onun tək bir amalı var. Bu amal Azərbaycan xalqına xidmət etməkdir. Şirkət Azərbaycan balalarının, Azərbaycanın gələcəyi olan bu insanların yüksək səviyyəli təhsil almasında xalqa xidmət edir. Mən də sizlərə sual vermək istəyirəm: belə xoş amala xidmət edən adamları niyə dəstəkləməyəsən? Açığını deyirəm ki, bu adamlar gördükləri işin müqabilində bizdən heç bir şey istəməyiblər və istəmirlər. Bir qrup xeyixah insan bir araya gəlib sənin övladına sənin verə bilməyəcəyin, bu gün sənin bacarmadığın təhsili verir, biliyi verir. Bu müəssisələrdə təhsil alan balalarımızın səsi İndoneziyadan gəlir. Müstəqil Azərbaycanın bayrağını oralarda qaldırırlar. Belə adamları niyə sevməyəsən? Niyə istəməyəsən? Niyə onlara heç olmasa sağ olun deməyəsən? Belə adamları istəməyənləri, bağışlayın məni, mən azərbaycanlı saymıram.
Nə isə çox uzun danışıb vaxtınızı almaq istəmirəm. Birmənalı şəkildə demək istəyirəm ki, bu gün Qafqaz universiteti və Çağ Öyrətim İşlətmələri Şirkətinin Azərbaycandakı bütün məktəbləri bizim məktəblərimiz üçün, təhsil sistemimiz üçün mayak rolunu oynayır və bunların işindən biz həmişə yararlanırıq. Buna görə bir daha bu işi quran adamlara təşəkkür edirəm. İstəyirəm ki, onlar öz işlərini daha məsuliyyətlə davam etsinlər. Artıq sizin və bizim bu istiqamətdə işimizin qarşısını kəsə biləcək əngəl yoxdur.İişimizi tam sərbəst davam etdirə bilərik.
Bir neçə kəlmə də gəlişimizin ikinci səbəbini burda açıqlamaq istəyirəm. İndi biz bu gözəl tədbiri bitirdikdən sonra universitetin rəhəbərliyi ilə nazirliyin rəhbərliyi arasında görüş keçirəcəyik. Hörmətli rektorumuz bir balaca dedi, görüşdə bizim məqsədimiz ondan ibarətdir ki, yeni dərs ilindən etibarən Qafqaz Universitetində Azərbaycan üçün bu gün çox lazımlı olan bir neçə ixtisas üzrə müəllim hazılığına başlansın. Mən bu təklifi bir neçə müddət bundan əvvlə Ənvər bəyə də, hörmətli rektorumuza da demişdim. Artıq müəyyən hazırlıqlar görülmüşdür və biz bu gün buraya onu təsdiq eləməyə gəlmişik. Bizim Azərbaycan universitetlərinin rəhbərləri və müəllimləri məndən inciməsin, bizim universitetlərimizdə Azərbaycanın orta məktəblərində yaxşı iş aparmaq üçün yetərincə qabiliyyətə malik olan müəllim hazırlaya bilmirlər. Mən bunu etiraf edirəm, hazırlaya bilmirik. Ona görə mən çox düşünəndən sonra belə qərara gəldim ki, bu ildən o hazırlığı biz Qafqaz Universitetində başlayaq. İndi mən nazirlikdən burada iştirak edən adamlara da, digər kəslərə də müraciət edərək deyirəm ki, biz bu məsələni geniş Azərbaycan ictimaiyyətinə yaymalıyıq. Mən təklif edirəm ki, rayonlarımızın təhsil şöbələrinin müdirləri, orta məktəblərimizin direktorları, Qafqaz Universiteti ilə çox sıx əlaqə saxlasınlar. Gələcəkdə buradan məzun olacaq, orta məktəblər üçün hazırlanacaq müəllimlər vaxtında işlə təmin olunaraq müəllim işləməlidirlər.
Bizim məktəblərimizdə yaxşı müəllimə, vicdanlı müəllimə, ədalətli müəllimə çox böyük ehtiyac var. Bəlkə də, Azərbaycanın ən böyük ehtiyacı məhz belə müəllimlərədir.Onlara çox böyük ehtiyac var. Mən şəxsən inanıram ki, Qafqaz Universitetində yetişəcək müəllimlər Azərbaycan təhsilini istədiyimiz xoşbəxt gələcəyə aparacqlar. Bu işdə Qafqaz Universitetinin müəllimlərinə uğurlar arzulayıram. Bir daha qeyd etmək istəyirəm ki, bu universitet Azərbaycanda öncül universitetdir. Mənim məlumatıma görə, bu universitetdə haqq var, ədalət var, biliyə ədalətlə qiymət verilir. Mənim məlumatıma görə, Qafqaz univeristetində qətiyyən neqativ hal yoxdur. O baxımdan Qafqaz Univeristeti bizim universitetlər üçün nümunə rolunu oynayır və oynayacaqdır.
Son olaraq mən bir daha belə bir şəraiti yaradan, belə bir universiteti yaradan insanların hamısına təşəkkür edirəm. Məni sevindirən bir də odur ku, universitetin ilk rektorlarından biri və bugünkü rektoru yanaşı oturublar. Bu da bizim cəmiyyətimiz üçün bir nümunə olmalıdır. Bu gün səhər mən STV kanalına baxırdım. Azərbaycan üçün önəmli, nümunəvi görüntülərin şahidi oldum - ölkənin keçmiş mədəniyyət naziri bugünkü mədəniyyət və turizm nazirinə, yəni köhnə nazir bugünkü nazirə öz işlərini təhvil verməsini göstərirdilər. Bu da bizim bu günkü günümüzün gerçəkliyidir. İnsan buna sevinir. Əvvələr biz nəyi görmüşdük? Vəzifəyə hər təzə gələn köhnəyə düşmən kimi baxırdı. Bu ənənə yox olmalıdır. Biz keçmişimizə hörmət etməliyik. Keçənlərimizə hörmət etməliyik ki, bizə də hörmət etsinlər. Elə deyilmi? İnşallah, yavaş-yavaş vətandaş cəmiyyəti, sözün həqiqi mənasında və ədalətli bir cəmiyyət qurulacaqdır. Belə cəmiyyət öz-özünə qurulmur. Bu cəmiyyəti biz qurmalıyıq, bu cəmiyyəti siz qurmalısınız, bu cəmiyyəti biz bərabər qurmalıyıq. Ona görə, əgər hər birimiz bu cəmiyyətin qurulmasına əmək sərf etsək, təbiidir ki bu cəmiyyət tez qurular. İndi özüm-özümdən də, sizdən də soruşuram: niyə etmirik? Nə üçün bunu biz etmirik? Bax bu iki sual bizim hər birimizi düşündürməlidir. Mən belə düşünürəm ki, əgər hərəmiz, xalq deyimində deyildiyi kimi, ətəyimizdən o daşı bir az töksək, o dediyimz cəmiyyət daha tez qurular. Çağ Öyrətim İşlətmələri Şirkəti də Azərbaycana ona görə gəlib ki, o cəmiyyət Azərbaycanda tez qurulsun. Mən sizin hər birinizə, o cümlədən özümə də bu cəmiyyəti tez qurmaq istiqamətində uğurlar arzulayıram.
Azərbaycan son illər çox surətlə inkişaf edir, Azərbaycanın iqtisadiyyatı da, digər sahələri də, təhsili də inkişaf edir. Təsəvvür edin ki, ötən bir ildə Azərbaycanda 328 yeni məktəb binası tikilmişdir. Ancaq bu gün 500 yeni məktəb binasının tikilməsinə ehtiyac var. Deməli, bu hesabla əgər bir neçə il bu işi belə davam etdirsək, heç olmasa bu sahədə işimizi müəyyən mənada başa çatdıra bilərik. Mən o xoşbəxt gələcəyin çox yaxında reallaşmasına inanıram. Ancaq hamımız o gələcəyin qurulması üçün birgə çalışmalıyıq. Bu işdə hamınıza uğurlar arzulayıram. Bugünkü tədbiri keçirdiyinizə görə təşəkkür eləyirəm, minnətdarlığımı bildirirəm. Çox sağ olun.

MİSİR MƏRDANOV,Azərbaycan Respublikası Təhsil Naziri

(Qafqaz Universitetinin yeni tədris və yataqxana binasının açılış mərasimində söylədiyi çıxışı, 2 noyabr 2006)

Türkiyə Cümhuriyyətinin çox hörmətli təhsil naziri, hörmətli qonaqlar, hörmətli valideynlər, əziz tələbələr, çox hörmətli iş adamları! Hər birinizi belə xoş gündə görməkdən çox məmnunam və sizləri ürəkdən salamlayıram.
Bu gün səhər tezdən Türkiyədən gəlmiş çox hörmətli qonağımızla bərabər, artıq dördüncü tədbirdir ki, görüşürük. Bunların hamısı Azərbaycanda təhsil və təhsilin inkişafı ilə bağlıdır. Ona görə icazə verin sizin adınızdan, bütün Azərbaycan ictimayəti adından, bizim dəvətimizi qəbul edib Azərbaycana rəsmi səfərə gəlmiş Türkiyə Cümhuriyyəti Milli Təhsil Naziri Hüseyn Çelik bəyi burada bir də salamlayım, onunla birgə gələn heyəti salamlayım və onlara Azərbaycana – öz vətəninizə xoş gəlmisiniz deyim.
Bu gün həqiqətən Azərbaycan dünyanın ən dinamik inkişaf edən ölkələrindən birinə çevrilmişdir. Şübhəsiz bu işin təməli ümummilli liderimiz Heydər Əliyev tərəfindən qoyulmuşdur. Hazırda bu iş onun layiqli davamçısı Azərbaycan Respublikasının prezidenti cənab İlham Əliyev tərəfindən çox uğurla davam etdirilir.
Bir neçə məqamı diqqətinizə çatdırmaq istəyirəm. Son üç ildə Azərbaycanda 700-dən çox yeni məktəb binası tikilmişdir. Bu Azərbaycanın tarixində heç bir zaman baş verməmiş bir hadisədir. Son üç ildə Azərbaycanın bütün orta məktəb şagirdləri yeni Azərbaycan əlifbası ilə çap olunmuş, yeni məzmunlu dərsliklərlə pulsuz təmin olunmuşdur. Bu da çox böyük hadisədir. Son üç ildə Azərbaycanda 1000-ə yaxın məktəb əsaslı təmir olunmuşdur. Bu da böyük bir hadisədir. Əlbəttə, mən burada çox rəqəm sadalamaqla sizin vaxtınızı almaq istəmirəm. Onu vurğulamaq istəyirəm ki, Azərbaycanda sözün əsl mənasında təhsillə bağlı prezidentimizin rəhbərliyi altında çox böyük işlər görülür. Bir neçə gün bundan əvvəl cənab prezident Azərbaycandan kənarda təhsil almaqla bağlı proqramın hazırlanması ilə əlaqədər tapşırıqlar vermişdir. Bu da çox vacib bir məqamdır. Türkiyə hökumətinin Təhsil Nazirliyinin başçılığı ilə böyük bir heyətlə Azərbaycana gəlişi heç də təsadüfi deyildir.
Bu gün biz Azərbaycanda 1993-cü ildə fəaliyyətə başlamış Qafqaz Universitetinin yeni binasının açılışını etdik. Mənim fikrimcə, bu universitet təkcə özəl universitetlər içərisində deyil, bütün Azərbaycan universitetləri içərisində ən nümunəvi ali tədris məssisəsidir. Qafqaz Universiteti artıq dünyada tanınmaqdadır. Onun yerləşdiyi məkan da, tədris korpusları da, yataqxana binası da, bütün təchizatı da, müəllimləri də, tələbələri də Azərbaycanın və Türkiyənin ən seçilmiş, ən nüfuzlu insanlarıdır. Ona görə mən fürsətdən istifadə edib, Qafqaz Universitetinin rektoru başda olmaqla, “Çağ” Öyrətim şirkətinin prezidenti hörmətli Ənvər bəy başda olmaqla, universitetin bütü heyətini salamlayıram, onlara ən xoş arzularımı bildirirəm və deyirəm ki, Azərbaycan dövlətinin başçısı sizin Azərbaycanda fəaliyyətinizdən çox razıdır. Arzu edirəm ki, bu və digər işlərinizi də daha uğurla davam etdirəsiniz.
Bu gün burada mənə fürsət verilib ki, bu universitetin qurulmasında, ümumiyyətlə, “Çağ” Öyrətim Şirkətinin Azərbaycanda fəaliyyəti zamanı bu şirkətə yaxından kömək etmiş, gördüyünüz bu çox hörmətli insanlara mükafat təqdim edim. Doğurdan da, mən bu işdən çox məmnunam. Belə bir fürsət verdiyinizə görə sizə təşəkkür edirəm. Bu iş Azərbaycan üçün yeni olsa da, artıq bizim ölkənin vətəndaşları da təhsil müəssisələrinə çox ciddi yardım edirlər.
Keçən əsrin əvvəllərində Azərbaycanda bu istiqamətdə çox ciddi işlər aparılmışdır. Hacı Zeynalabidin Tağıyevin rəhbərliyi və başlanğıcı ilə Azərbaycanın şanlı adamları təhsilə maarifə çox böyük yardımlar etmişlər. Bu gün də biz belə adamlardan faydalanmaqdayıq. Mənə belə gəlir ki, bu halal insanlar, bu zəhmətsevər insanlar öz zəhmətləri ilə əldə etdiklərini Azərbaycanda təhsilin inkişafına sərf edən insanlar Azərbaycanın tarixində yadda qalan insanlar olmalıdırlar və olacaqlar. Mən sizə təsəkkür edirəm, Azərbaycan milləti adından, Azərbaycanın təhsil işçiləri adından, öz adımdan təşəkkür edirəm. Siz böyük bir qeyrət və hünər göstərmisiniz. Belə bir universitetin qısa bir zamanda bu vəziyyətə gəlməsində sizin böyük zəhmətiniz vardır. Hər birinizə təşəkkür edirəm, minnətdarlığımı bildirirəm. Allahdan arzu edirəm ki, Qafqaz Universiteti Azərbaycanın Harvardına çevrilsin.
Təbrik edirəm, yeni binanız mübarək olsun, uğurlu olsun, xeyirli olsun! İcazə verin mükafatları təqdim edim.