“Çağ” “Neft kapitalını insan kapitalına çevirek” devizini reallaşdırmağa çalışır
Srağagün “Çağ” Öyretim Şirketinin 2007-2008-ci tedris ilinde yüksek neticeler elde eden mezun ve telebelerinin tenteneli mükafatlandırma merasimi keçirilib.Qafqaz Universitetinde baş tutan tedbirde “Çağ”ın nezdinde fealiyyet gösteren 10 lisey, gimnaziya ve ibtidai mektebin, elece de “Araz” ali tehsile hazırlıq kurslarının (ATHK) ali mekteblere qebul imtahanlarında ve beynelxalq olimpiadalarda yüksek neticeler elde etmiş mezunları şirket rehberliyi terefinden müxtelif mükafatlarla teltif olunublar. Hemçinin Qafqaz Universitetinin beynelxalq bilik olimpiadalarında uğurlar qazanmış telebelerine de mükafatlar teqdim olunub. Tedbirde dövlet orqanlarının rehberleri, millet vekilleri ve valideynler iştirak edibler.
“Neft kapitalı insan kapitalına çevrilmelidir” ideyasını bundan sonra da uğurla heyata keçireceyik”
Azerbaycan-Türkiye Özel Liseyleri Baş İdaresinin reisi Adem Önal elde edilen uğurlardan behs ederek bildirib ki, bu uğurlar tekce “Çağ”ın deyil, bütövlükde Azerbaycan tehsilinin nailiyyetleridir: “Azerbaycanın müxtelif bölğelerinde fealiyyet gösteren liseylerimizden bu il 477 şagird mezun olub. Onların 465-i, yeni 98 faizi Azerbaycanın ve dünyanın müxtelif ali mekteblerine qebul olub. Quba Özel Türk Liseyinin mezunu Anar Kerimov en yüksek netice - 700 bal toplayaraq, respublika birincisi olub. Eyni zamanda 70 mezunumuz 600 baldan yuxarı neticeler elde edib. 8 mezunumuz prezident teqaüdüne layiq görülüb. 120 mezunumuz ise xarici ölke universitetlerinde tehsillerini davam etdirirler”. “Çağ”ın yetirmelerinin beynelxalq olimpiadalarda yüksek neticeler elde etdiklerini deyen idare reisi: “Bu il 93 şagirdimiz 14 ölkede keçirilen 16 beynelxalq olimpiada da iştirak edib ve 56 medal elde olunub. Medalların 15-i qızıl, 17-si gümüş, 24-ü ise bürünc olub. Ümumilikde ise bu güne qeder şagirdlerimiz terefinden 285 medal elde edilib”, - deyib. A. Önal Prezident İlham Eliyevin “neft kapitalı insan kapitalına çevrilmelidir” ideyasını bundan sonra da uğurla heyata keçireceklerini bildirib.
“Mezunlarımızın 94 faizi ali mekteblere qebul olub”
“Araz” ATHK-nın Baş İdaresinin reisi Arif Gömleksiz paytaxt Bakıda ve bölgelerde fealiyyet gösteren 11 ali tehsile hazırlıq kursunu bitiren mezunların qebul imtahanlarında elde etdikleri uğurlardan danışıb: “Bu il “Araz”ı bitiren mezunların 94 faizi ali mekteblere qebul olub. 197 mezunumuz imtahanlarda 600 baldan yuxarı netice gösterib. Onlardan 20-si prezident teqaüdüne layiq görülüb. Eyni zamanda mezunumuz Rüfet Babayev builki qebul imtahanlarında 1-ci qrup üzre en yüksek netice elde ederek, 700 bal toplayıb”.
“Qafqaz Universitetinin işsiz mezunu yoxdur”
Tedbire ev sahibliyi eden Qafqaz Universitetinin rektoru, professor Ehmed Saniç ise öz çıxışında rehberlik etdiyi tehsil müessisesinin uğurlarından behs edib. O bildirib ki, “Qafqaz” 2008-ci ilde Azerbaycanın en yaxşı özel universiteti seçilib. “Bu il Qafqaz Universitetine qebul olanların 128-i 600-den yuxarı bal toplayan telebedir. O cümleden birinci qrup üzre en yüksek netice elde eden şexs de bizim telebemizdir”,- deyen E. Saniç bildirib ki, bu gün öz xoşu ile işlemek istemeyenler istisna olmaqla heç bir “Qafqaz” mezunu işsiz deyil.
“Bu nailiyyetler Azerbaycan tehsilinin uğurlarıdır”
Tehsil nazirinin müavini İsgender Xelilov “Çağ”ın elde etdiyi uğurları tekce bu şirketin deyil, Azerbaycan tehsilinin uğurları kimi deyerlendirdi. Nazir müavini hemçinin “Çağ” Öyretim Şirketinin tehsil müessiselerinin bu güne qeder keçdiyi yoldan behs edib: “Bu tehsil ocaqları, xüsusen, Qafqaz Universiteti çox çetinliklerden keçib. Uzun müddet bu universitetin yer problemi olub. Lakin ümummilli liderimiz Heyder Eliyevin bu tehsil ocaqlarının geleceyine olan inamı ve qayğısı neticesinde bir çox problemler hell edildi”.
“Bir millet iki dövlet” ideyası üçün çalışmalısınız”
Mükafatlandırma merasiminde son sözü Türkiyenin Azerbaycandakı fövqelade ve selahiyyetli sefiri Hulusi Kılıç deyib. Sefir iki qardaş dövletin bir-birine daha da yaxınlaşmasında gösterdikleri xidmetlere göre “Çağ” Öyretim Şirketinin tehsil ocaqlarında çalışan her kese öz minnetdarlığını bildirib. Hulisi Kılıç hemçinin iki dövlet arasındakı dostluq elaqelerinden behs edib, müellim ve telebelere tövsiyelerini verib. “Ümummilli liderimizin “bir millet, iki dövlet” sözlerinin kökünde duran böyük menanı bütün fealiyyetlerinizde hiss etdirmelisiniz. Harada olmağınızdan asılı olmayaraq bu ideyalar üçün çalışmalısınız”, - deye Türkiyenin Azerbaycandakı sefiri bildirib. Tedbirin sonunda qebul imtahanlarında ve beynelxalq olimpiadalarda yüksek nailiyyet elde etmiş mezun ve telebelere müxtelif mebleğlerde pul mükafatı ve qiymetli hediyyeler teqdim edildi.
Allahverdi Ceferov
