Artıq bütün sahələrdə informasiya texnologiyaları mühüm rol oynayır


Dünən Qafqaz Universitetində “AICT 2011- İnformasiya və kommunikasiya texnologiyalarının tətbiqi” adlı beşinci beynəlxalq konfrans öz işinə başlayıb. Açılış mərasimində çıxış edən Qafqaz Universitetinin rektoru Ahmet Saniç belə konfranslar silsiləsinə 2003-cü ildən onun rəhbərlik etdiyi təhsil ocağı tərəfindən start verildiyini deyib.

O, 3 gün davam edəcək konfransa dünyanın 31 ölkəsindən 250-dən çox alimin məqaləsinin daxil olduğunu vurğulayıb. A. Saniç konfransda müxtəlif mövzuları əhatə edən 12 plenar iclas keçiriləcəyini söyləyib. Daha sonra bu sahənin vacibliyindən söz açan rektor: “İnformasiya-kommunikasiya texnologiyalarının tətbiqinin inkişafı digər sahələrin inkişafında mühüm rol oynayır”, - deyib.
Rabitə və informasiya texnologiyaları nazirinin müavini Elmir Vəlizadə dövlətin bu istiqamət üzrə kadr siyasətindən söz açıb. O bildirib ki, hökumət informasiya texnologiyaları sahəsində kadrların yetişdirilməsi işinə diqqətlə yanaşır: “Konfransın beynəlxalq əhəmiyyət daşıması onu göstərir ki, Azərbaycanda bu istiqamət üzrə mühüm işlər görülüb”.
BDU-nun rektoru Abel Məhərrəmov bəyan edib ki, XXI əsr informasiya-kommunikasiya əsri kimi tarixdə qalacaq: “Bütün proseslərin əsasında informasiya texnologiyaları durur. Ona görə də bu konfrans böyük əhəmiyyətə malikdir. Hazırda dünya əhalisinin 2 milyardı bu texnologiyalardan istifadə edir”. O, informasiya və kommunikasiya texnologiyaları haqqında canlı dialoq və elmi diskussiyaların aparılmasında belə konfransların keçirilməsini yüksək dəyərləndirib.
Daşkənd İnformasiya Texnologiyaları Universitetinin rektoru Xakim Muhiddinov təmsil etdiyi ali məktəbdə bu istiqamət üzrə aparılan elmi araşdırmalardan söz açıb. AMEA-nın İnformasiya Texnologiyaları İnstitutunun direktoru Rasim Əliquliyev ölkəmizin bu sahədə əldə etdiyi uğurlar və elmi tədqiqatlar haqqında öz fikirlərini bölüşüb. Onun sözlərinə görə, artıq bütün sahələrdə informasiya texnologiyaları çox mühüm rol oynayır. Bu, sahə artıq bir peşənin istifadə etdiyi “alət” deyil. O, belə tədbirlərin ölkəmizin tanınmasında da mühüm əhəmiyyət kəsb etdiyini vurğulayıb.
Qafqazın tədris işləri üzrə prorektoru Cihan Bulut bizimlə söhbətində konfransa təqdim olunmuş məqalələrin kitab halında çap olunduğunu bildirib. Onun sözlərinə görə, konfransın əsas hədəflərindən biri həmin məqalələri dünya ictimaiyyətinə çatdırmaqdır.
Qeyd edək ki, konfrans  Rabitə və İnformasiya Texnologiyaları Nazirliyi, Təhsil Nazirliyi, Qafqaz Universiteti, Bakı Dövlət Universiteti, UNESCO-nun Təhsildə İnformasiya Texnologiyaları İnstitutu, AMEA-nın İnformasiya Texnologiyaları İnstitutu, Daşkənd İnformasiya Texnologiyaları Universiteti, Türkiyə Əməkdaşlıq və İnkişaf Agentliyi (TIKA) və IEEE - Elektik və Elektronika Mühəndisləri İnstitutunun texniki dəstəyi ilə təşkil olunub.
http://www.zaman.az/az/newsDetail_getNewsById.action?newsId=40805

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>