“Nitq mədəniyyəti və ifadə vasitələri”
Arifə bir işarə kifayətdir
24 December, 2011
“Düşüncə”
klubunun təşkil etdiyi silsilə seminarlar davam edir. 23 dekabrda
keçirilən növbəti seminar “Nitq mədəniyyəti və ifadə vasitələri”
mövzusuna həsr edildi. Seminarda çıxış edən psixoloq Hüseyn Xəlilov
bədən dilinin sirrlərinin asan dillə necə oxunması haqda danışdı. “Bəzən
bir hərəkət min sözə əvəzdir “ söyləyən Hüseyn müəllim biri ilə
ünsiyyət qurduğumuzda söylədiklərimiz nə qədər əhəmiyyətlidirsə,
hərəkətlərimizlə o adamda buraxdığımız təəssüratın da o qədər
əhəmiyyətli olduğunu vurğuladı.
İnsanların
mühitdən asılı olaraq özlərini necə nizamlaması, kiməsə müraciət
edərəkən şüursuz olaraq bədənin aldığı vəziyyətlərlə bağlı söhbətlərə
tələbələr daha fəal müdaxilə etdilər. Belə bir fakt təsdiqləndi ki,
qarşı tərəflə eyni bədən vəziyyətini alanda ondan məlumatları daha
uğurla alıb qavraya bilərik. “Yalanı necə tutmalı”, “Pozaya görə
analiz” testləri üzrə təcrübələr keçirildi. Öz bədən hərəkətlərimizə
nəzarət edərək ictimai mühitə daha tez uyğunlaşmanı təmin etməklə bağlı
faydalı məsləhətlər verildi.
Növbəti seminar məşğələsi 2011-2012-ci tədris ilinin II yarısında “Tənqidi düşüncə” mövzusu ilə davam edəcək.
