“Elm və təhsil ocaqları güclü iqtisadiyyatın inkişafına yol göstərməlidirlər”


Qafqaz Universiteti ilə AMEA-nın İqtisadiyyat İnstitutu arasında əməkdaşlığa dair memorandum imzalanıb. İmzalanma mərasimində Qafqaz Universitetinin rektoru, prof. Ahmet Saniç rəhbərlik etdiyi ali təhsil ocağının dünyada, eləcə də ölkəmizdə fəaliyyət göstərən bir çox universitetlərlə, elm ocaqları ilə əməkdaşlıq etdiyini bildirib. O, imzalanmış sənədin respublikamızın elm, təhsil sisteminə öz töfvəsini verəcəyini əminliklə bildirib. İqtisadiyyat İnstitutunun direktoru i. e. d. prof. İsa Əliyev “Qafqaz”ın uğurlarından söz açmaqla yanaşı, bu ali təhsil ocağını təhsilimizin flaqmanı kimi dəyərləndirib.
 
“Azərbaycan iqtisadiyyatı sürətlə inkişaf edir. Bu inkişafın davamlılığını təmin etmək vacib məsələdir. Bunun üçün Azərbaycanda istehsal olunan məhsulların dünya bazarına çıxarılması çox önəmlidir”. Bu sözləri isə İsa Əliyev elə bu tədbir çərçivəsində “Azərbaycan 2020: gələcəyə baxış” İnkişaf Konsepsiyası ilə bağlı tanınmış iqtisadçı alim və ekspertlərin iştirakı ilə keçirilən tədbirdə deyib”. Onun sözlərinə görə, dünya bazarında yerli məhsulların rəqabətə tab gətirməsi üçün elmi-tərəqqiyə, innovasiyaya (yüksək səmərəliliyə malik yeniliyin tədbiqi, insanın intellektual fəaliyyətinin, kəşfinin, ixtirasının son nəticəsi) əsaslanan məhsulların istehsalına nail olmaq lazımdır. Biliyə, innovasiyaya əsaslanmadan buna nail olmağın qeyri-mümkünlüyünü bildirən İsa Əliyev ölkəmizdə dünya bazarında rəqabət apara biləcək məhsulların azlığını təəssüflə qeyd edib. Daha sonra ölkə başçısının elmə, təhsilə qayğısından söz açan İsa müəllim təhsil ocaqlarındakı son model avadanlıqlarından yetərincə istifadə olunmadığını qeyd edib: “Yetişməkdə olan kadrların ən azından dördündən biri mühəndislik sahəsi üzrə ixtisaslaşmalıdır. Bu gün buna böyük ehtiyac var”.
 “Stabil inkişafı təmin etmək üçün ölkə iqtisadiyyətı biliyə əsaslanmalıdır. Ümumiyyətlə, biliyə əsaslanmadan innovasiyalı cəmiyyət qurmaq qeyri-mümkündür”, - sözləri ilə çıxışını davam etdirən natiq ölkəmizdə qeyri-neft sektorunun inkişaf sisteminin hazırlanmasının vacibliyini vurğulayıb: “Potensialımızdan düzgün yararlanmaqla nəinki respublikamızı, eləcə də bir neçə ölkəni kənd təsərrüfatı məhsulları ilə təmin edə bilərik. Təssüflə qeyd etmək istəyirəm ki, mağazalarımızdakı kənd təsərrüfatı məhsularının böyük qismi xaricdən gətirilmədir”.
AMEA elmi İnnovasiya Mərkəzinin Elmi işlər üzrə direktor müavini i. e. d. prof. Təbriz Əliyev öz çıxışında: “İntellektual mülkiyyət ilə maliyyə mülkiyyətini bir istiqamətə yönəltmək lazımdır. İnnovasiyasız iqtisadiyyatın inkişafını və bu inkişafın davamlılığını təmin etmək olmaz”,- deyib. İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunun direktoru i. e. d. Vilayət Vəliyev isə iqtisadi infrastrukturun davamlı təkmilləşdirilməsinin vacibliyini qeyd edib.
“Qafqaz”ın dünya iqtisadiyyatı kafedrasının müdiri Altay İsmayılov bildirib ki, ali təhsil ocaqları zamanın tələblərinə uyğun kadrlar hazırlamalıdırlar. “Güclü iqtisadiyyat qurmaq üçün elm və təhsil ocaqları
respublikamızın iqtisadiyyatının inkişafına yol göstərməlidirlər. Belə ki, təbii resurslarımız tükənəndir, innovasiya isa tükənməzdir”.
Tədbirdə “Qafqaz”ın rektoru prof. Ahmet Saniç tərəfindən İqtisadiyyat İnstiutunun direktoru prof. İsa Əliyevə təşəkkür plaketi təqdim edilib.
http://www.zaman.az/az/newsDetail_getNewsById.action?newsId=42026

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>