Azərbaycanın üç universiteti arasında əməkdaşlıq memorandumu imzalanıb
Gəncə Dövlət Universiteti, Azərbaycan Dövlət
Aqrar Universiteti və Qafqaz Universiteti arasında əməkdaşlıq
memorandumu imzalanıb. Qafqaz Universitetindən “Qafqazinfo”ya verilən
məlumata görə, memoranduma əsasən bir sıra müştərək layihələrin həyata
keçirilməsi nəzərdə tutulur.
Mərasimdə çıxış edən Azərbaycan Dövlət Aqrar
Universitetinin rektoru Mirdaməd Sadıqov universitetlər arasında
əməkdaşlığın mühüm əhəmiyyət kəsb etdiyini və bu qarşılıqlı əlaqələrin
Azərbaycan elminə mühüm töhfələr verəcəyinə əminliyini bildirib. Sonra
universitetlərin rəhbərləri tərəfindən müqavilə imzalanıb.
Qafqaz Universitetinin rektoru Əhməd Saniç bildirib ki, memorandum üzrə əməkdaşlığın ilkin mərhələsinə bu ilin aprelində strat veriləcək. “Bizim elmi işlərimiz, tələbə mübadiləmiz, universitetlər arasında aparılacaq hər cür əməkdaşlıq haqda maddələr bu sənəddə var. Bununla da Bakı ilə Gəncə arasında yeni elmi körpü qurulacaq. Bakı və Gəncədəki elmi informasiyalar birləşmiş olacaq, nəticədə daha böyük uğurlar əldə edə biləcəklər” - o, deyib.Gəncə Dövlət Universitetinin rektoru Elman Məmmədov müqavilə barədə danışarkən deyib ki, sənədə əsasən universitetlər arasında ən yüksək səviyyədə əməkdaşlıq ediləcək, elmi yeniliklərin və təcrübələrin mübadiləsi aparılacaq. Qeyd edək ki, müqavilədə 3 istiqamət əsas götürülür.
“Müqavilə üzrə nəzərdə tutulan əməkdaşlıq 1-ci təhsil sahəsində, 2-ci ən əsas istiqamət tədris proqramları sahəsində, 3-cü sahə isə müəllim və tələbələrin mübadiləsi olacaq.. Belə hesab edirəm ki, bu gün ki, bu müqavilə tədrisin inkişafında, təhsilin keyfiyyətinin yüksəldilməsində ən mühüm amildir” - E.Məmmədov qeyd edib.
Memorandum əsasında universitetlər arasında ortaq konfranslar təşkil olunacaq. Nəticədə bu əməkdaşlıqdan bütün universitetlər faydalanacaq.
Nigar Məmmədli
Qafqaz Universitetinin rektoru Əhməd Saniç bildirib ki, memorandum üzrə əməkdaşlığın ilkin mərhələsinə bu ilin aprelində strat veriləcək. “Bizim elmi işlərimiz, tələbə mübadiləmiz, universitetlər arasında aparılacaq hər cür əməkdaşlıq haqda maddələr bu sənəddə var. Bununla da Bakı ilə Gəncə arasında yeni elmi körpü qurulacaq. Bakı və Gəncədəki elmi informasiyalar birləşmiş olacaq, nəticədə daha böyük uğurlar əldə edə biləcəklər” - o, deyib.Gəncə Dövlət Universitetinin rektoru Elman Məmmədov müqavilə barədə danışarkən deyib ki, sənədə əsasən universitetlər arasında ən yüksək səviyyədə əməkdaşlıq ediləcək, elmi yeniliklərin və təcrübələrin mübadiləsi aparılacaq. Qeyd edək ki, müqavilədə 3 istiqamət əsas götürülür.
“Müqavilə üzrə nəzərdə tutulan əməkdaşlıq 1-ci təhsil sahəsində, 2-ci ən əsas istiqamət tədris proqramları sahəsində, 3-cü sahə isə müəllim və tələbələrin mübadiləsi olacaq.. Belə hesab edirəm ki, bu gün ki, bu müqavilə tədrisin inkişafında, təhsilin keyfiyyətinin yüksəldilməsində ən mühüm amildir” - E.Məmmədov qeyd edib.
Memorandum əsasında universitetlər arasında ortaq konfranslar təşkil olunacaq. Nəticədə bu əməkdaşlıqdan bütün universitetlər faydalanacaq.
Nigar Məmmədli
