QU-də "I Beynəlxalq Bəxtiyar Vahabzadə Simpoziumu" keçirilir

Atif Eyvazov/AZADİNFORM. Bu gün Qafqaz Universitetində "I Beynəlxalq Bəxtiyar Vahabzadə Simpoziumu" işə başlayıb. “Azadinform”un məlumatına görə, Təhsil Nazirliyi, Türkiyə Baş Nazirliyinin Türk Əməkdaşlıq və Koordinasiya Agentliyi  (TİKA), Qafqaz Universiteti, "Qayə" Fondu, Yunus Əmrə İnstitutu, Şəki Şəhər İcra Hakimiyyəti və Dialoq Avrasiyanın təşkilatçılığı ilə keçirilən tədbirdə 6 ölkədən 35 universitet və tədqiqat mərkəzindən 100-dən çox elm adamı və tədqiqatçı iştirak edir.
Tədbirdə əvvəlcə “Bu dünyadan bir Bəxtiyar keçdi” adlı film nümayiş olunub. Təhsil nazirinin müavini Qulu Novruzov, Türkiyənin Azərbaycandakı səfiri Alper Coşqun, Qafqaz universitetinin rektoru Ahmed Saniç, Atatürk Mərkəzinin direktoru Nizami Cəfərov, "Qayə" Fondunun sədri Mustafa Saatçı, Şəki Şəhər İcra Hakimiyyətinin başçısının müavini Həsən Həsənov  və başqaları Azərbaycan-Türkiyə münasibətləri, Bəxtiyar Vahabzadənin həyat və yaradıcılığından bəhs ediblər, onun zəngin irsinin gələcək nəsillər üçün dəyərli töhfə olduğunu bildiriblər. Qeyd olunub ki, B.Vahabzadə ana dilimizin, tariximizin  qorunması, onun təbliği uğrunda daim mübarizə aparıb və bu mübarizəyə elə ilk növbədə öz ailəsindən başlayıb. B.Vahabzadə özü də tarix yazıb. Onun ən böyük arzusu Azərbaycanı müstəqil və dünya arasında layiqli yerdə görmək olub və onu da görüb. Gələcək nəsillərin təfəkküründə dərin izlər buraxacaq B.Vahabzadənin yaradıcılığı təkcə Azərbaycanı deyil, bütövlükdə türk dünyasını əhatə edib. O, bütün türk dünyasının bir arada olması amalı ilə çox səy göstərib. B.Vahabzadə həyatının sonuna kimi Azərbaycanla yanaşı, bütövlükdə türk dünyasının problemləri ilə maraqlanıb.  
Qeyd edək ki, üç gün davam edəcək  simpoziumda “Vahabzadə əsərlərində dil xüsusiyyətləri və sənətkarlıq”, “Vahabzadə və milli mübarizə”, “Vahabzadənin dram əsərləri”, “Vahabzadə və Türk dünyası”, “Vahabzadənin əsərlərində tərbiyə və mənəvi dəyərlər” və digər mövzularda məruzələr olacaq.
http://www.azadinform.az/news/a-35339.html

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>