Azərbaycanda keçiriləcək Beynəlxalq konfransla bağlı «Azərikimya»da Qafqaz Universitetinin rəhbərliyi ilə görüş keçirilmişdir


Görüş zamanı bu ilin aprelində Azərbaycan Dövlət Neft Şirkətinin təşkilatçılığı və dəstəyi ilə «Azərikimya» İstehsalat Birliyi və Qafqaz Universitetinin, həmçinin dünyanın  neft-kimya sahəsi üzrə bir-çox nüfuzlu elm və təhsil mərkəzlərinin, tanınmış elm xadimlərinin və istehsalat rəhbərlərinin iştirakı ilə keçirilməsi nəzərdə tutulan Beynəlxalq elmi-praktik konfransa hazırlıq və onun təşkili ilə bağlı məsələlər müzakirə edilmişdir.
Xalqımızın ümummilli lideri Heydər Əliyevin 90 illik yubileyinə həsr olunan konfrans zamanı  dünyanın bir çox ölkələrinin neft-kimya sahəsində çalışan elm adamlarının və istehsalat nümayəndələrinin daha sıx elmi əməkdaşlığının təmin edilməsi, neft-kimya sənayesinin perspektiv inkişafı və yeni layihələrin həyata keçirilməsi, müasir kimya texnologiyalarının öyrənilməsi və tətbiq edilməsi məsələlərinin müzakirələrinin aparılması nəzərdə tutulmuşdur. Konfransda neft kimyasının nəzəri və praktiki məsələləri, fiziki və analitik kimyanın aktual  problemləri, kimya sahəsində müasir elmi-tədqiqatlar, ekoloji təmiz, zərərsiz kimyəvi-innovativ texnologiyalar və s.-lə bağlı müzakirələrin də aparılacağı gözlənilir.  
«Azərikimya» İstehsalat Birliyinin Müşahidə Şurasının sədri, Milli Məclisin deputatı  Muxtar Babayev və Qafqaz Universitetinin rektoru, professor Ahmet Saniç keçiriləcək bu geniş miqyaslı beynəlxalq tədbirlə bağlı görüləcək təşkilati işləri müzakirə edərək, fikir mübadiləsi aparmış, tədbirin bütün iştirakçılar üçün elmi-praktiki baxımdan daha səmərəli olması məqsədilə bir sıra təkliflər irəli sürmüşlər.
Konfransda «Petkim Petrokimya Holding» A.Ş.-nin, Azərbaycan Dövlət Neft Akademiyasının, Neft-Kimya Prosesləri İnstitutunun, Qafqaz Universitetinin, Bakı Dövlət Universitetinin,  Türkiyənin  Atatürk və Yıldız Texniki Universitetlərinin, bp-Azərbaycanın və digər təşkilatların nümayəndələri, o cümlədən ABŞ, Kanada, Rusiya, İngiltərə, Almaniya, Türkiyə, Gürcüstan və digər xarici ölkələrdən dəvət olunmuş neft-kimya sahəsi üzrə tanınmış kimyaçı-alimlər, neft-kimya istehsalatı rəhbərləri iştirak edəcəklər.
Konfrans üç gün davam edəcək.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>