“Evliya Çələbi Səyahətnaməsində Azərbaycan” kitabının təqdimat mərasimi keçirildi



Dünən Türkiyə Cümhuriyyətinin Azərbaycan Respublikasındakı Səfirliyində 2013-cü ilin ilk ayında Qafqaz Araşdırmaları İnstitutu tərəfindən nəşr edilmiş “Evliya Çələbi Səyahətnaməsində Azərbaycan” kitabının təqdimat mərasimi keçirildi. Türkiyə Cümhuriyyəti Başbakanlık Fonu tərəfindən qəbul edilmiş layihə əsasında hazırlanan kitab Qafqaz Araşdırmaları İnstitutu əməkdaşları və bir qrup digər mütəxəssislərdən ibarət birgə heyət tərəfindən çapa hazırlanmışdır. Kitabın təqdimatı ilə yanaşı “Evliya Çələbi Azərbaycanda” sərgisinin də açılışı keçirildi.
XVII əsrin görkəmli türk səyyahı Evliya Çələbi dünyanın bir çox yerlərini, o cümlədən Azərbaycanı gəzərək səyahət etdiyi yerlərin tarixi, coğrafiyası, əhalisi haqqında məlumatlar vermişdir. Səyyah Azərbaycana dörd dəfə səfər etmişdir. Evliyanın Azərbaycana etdiyi səyahətləri (1646-1666) əhatə olunan bu kitabda XVII əsr Azərbaycanının tarixi, coğrafiyası, ölkədəki siyasi durum, əhalisi, onun məşğuliyyəti, məişəti barədə qiymətli bilgilər öz yerini tutur.
Təqdimat mərasimində 200-ə yaxın elm, siyasət xadimi, kütləvi informasiya mənsubları iştirak etdi. Eyni zamanda hazırlanmış 200 kitab qonaqlara hədiyyə edildi. Mərasimi açan kitabın naşiri dos.Mehmet Rıhtım qonaqları salamlayaraq əsərin hazırlanma prosesi barədə danışdı, əməyi keçən hər kəsə təşəkkürünü bildirdi. Qeyd edək ki kitab üzərində böyük bir heyət - Qafqaz Araşdırmaları İnstitutunun müdiri dos.Mehmet Rıhtım, prof.Minaxanım Təkləli, dr.Fariz Fərzəli, dr.Kənan Bəşirov və Fəridə Əliyeva, prof.Yaqub Mahmudov və prof.Cəfər Qiyasi çalışmışdır. Çıxış edən Türkiyə Cümhuriyyətinin ölkəmizdəki səfiri kitabın önəmini vurğuladı. AMEA Tarix İnstitutunun  direktoru Yaqub Mahmudov bu kitabın ölkəmizin yenidən yazdığımız  tarixində mühüm  yeri olduğunu söylədi. Alovlu çıxışı ilə seçilən prof.Minaxanım Təkləli “Evliya Çələbi Azərbaycana dörd dəfə səfər etmişdir, bu onun beşinci səfəri oldu” deyə kitabın  iki qardaş ölkə arasındakı önəmini açıqladı.



















Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>