Qafqaz Universitetində “Milli kitab bazarı gənclərin tələbinə uyğundurmu?” mövzusunda Talk Şou reallaşdı

Azərbaycanın İlk Qlobal gənclər Klubu ÖZ Klub sayca 4-cü olan və gənclər arasında artıq ənənə halını almış növbəti Talk Şousunu reallaşdırdı. 250 nəfər gənci əhatə edən Talk Şou çərçivəsində ”Milli kitab bazarı gənclərin tələbinə uyğundurmu?” mövzusunda müzakirələr aparıldı. Mövzu ilə bağlı öz sahəsinin həqiqi mənada peşəkarı olan insanlar gənclərin suallarını cavablandırmış,onları maraqlandıran məqamlara aydınlıq gətirmişdir.

18 May 2013-cü ildə Qafqaz Universitetində “Milli kitab bazarı gənclərin tələbinə uyğundurmu?” mövzusunda Talk Şou reallaşdı. Layihənin məqsədi günümüzdə gənclər üçün aktual olan kitab sektorunun onların tələblərini nə dərəcədə qarşılaması, bu məsələ ilə bağlı onların hansı istəklərinin olması kimi məqamlara aydınlıq gətirmək idi. Ümuimilikdə 4-cü dəfə keçirilən Talk Şounun əsas hədəfi gənclər arasında inkişafa, sağlam müzakirəyə, fikir mübadiləsinə və bölüşərək öyrənməyə zəmin yaratmaq idi. İlk olaraq Talk Şou iştirakçılarını Qafqaz Universitetinin Kitabsevərlər Klubunun rəhbəri Aytən Məmmədova salamladı. ÖZ Klub Qlobal Gənclər Klubunun təsisçisi və rəhbəri Mirfariz Muradov da öz növbəsində qonaqları və iştirakçıları salamladı və layihə barədə qısa məlumat verdi, ÖZ Klubun təşkilatçılığı ilə bu tipli layihələrin gənclərə olan faydasından danışdı. Bundan sonra 250 nəfər gənci əhatə edən Talk Şouda müzakirələrə start verildi.

Talk Şouda “İdeal” Parfum və Kosmetika mağazalar şəbəkəsinin marketinq direktoru Rafiq Vəliyev kitab sektorunun marketoloji cəhətdən analizini apardı, ”Qanun” nəşriyyat evinin təsisçisi və rəhbəri Şahbaz Xuduoğlu gənclərin kitaba olan marağında milli nəşriyatın rolundan danışdı. Paralel olaraq Azərbaycanda kitab tərcüməsi ilə bağlı hazırki vəziyyətə Azərbaycan Gənc Tərcüməçilər Assosasiasının təsisçi və rəhbəri İsmayıl Cəbrayılov, gənclərin kitab evlərinə olan münasibətinə isə “Ali və Nino” kitab mağazaları şəbəkəsinin rəhbəri Nigar Köçərli aydınlıq gətirdi. Talk Şounun qonaqları sırasında kitabları gənclər tərəfindən sevilərək oxunan Əli Xəyyam və Elxan Zeynallı(Qaraqan) da var idi. Əli Xəyyam şerə maraqlı gənclərin suallarını cavablandırmaqla bərabər,bu sahədə uğur qazanmağının səbəblərini gənclərlə bölüşdü. Sevilən yazıçı Elxan Zeynallıya Talk Şou iştirakçıları tərəfindən ünvanlanan çoxsaylı sualları cavablamaqla yanaşı, gənc yazıçı olaraq günümüzün gənclərinin kitaba olan tələblərinin nəyin üzərində formalaşdığı barədə də fikirlər səsləndirdi.

Layihənin əsas tərəfdaşı Qafqaz Universiteti və universitetin Kitabsevərlər Klubu, eyni zamanda tərəfdaşları isə Bright Stars Academy dil və tədris mərkəzi, Click Photo Agency, informasiya dəstəkçisi isə Facemark.az portalı idi.

Gənclərin inkişafı, sağlam mühitdə əylənib öyrənməsi və faydalı bir gənclik yaşamasını hədəfləyən ÖZ Klub təşkilatçıları bu tipli layihələri müntəzəm olaraq reallaşdıracaqlarını qeyd etdilər. 

 

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>