27 Temmuz 2014 Pazar

Qafqaz Bizim Ailəmizdir

 Müasir dünyada texnologiyanın sürətli inkşafı və bütün sahələrdə artan rəqabət xüsusi bacarıq və peşəkarlığa sahib olmağı tələb edir. Universitet həyatı müəyyən bir sahədə elmə yiyələnmək və iş həyatının tələb etdiyi xüsusiyyətləri qazanmaq üçün əsas amildir. Tələbələrin cəmiyyətdə özlərinə yer tapa bilmələri, ailədə və iş dünyasında faydalı əlaqələr qurması üçün mütəxəsis diplomu almaqdan əlavə, onların sosial-mədəni fəaliyyətləri, əxlaqi və etik dəyərləri necə qavramaları da vacib faktordur.
Bütün bunları nəzərə alaraq Qafqaz Universiteti tələbələrə aşağıdakı imkanları təqdim edir:
Təhsil keyfiyyəti: yüksək keyfiyyətli, təmənnasız təhsil, ciddi tədris metodikası, düzgün qiymətləndirmə, təlim-tərbiyəyə verilən önəm, müəllimlərin tələbələrə fənnləri və ixtisası sevdirmələri.
Sərbəst düşüncə və təşəbbüskarlıq: tələbələrin fikrinə hörmət göstərilməsi, sərbəstlik, müstəqillik, tələbələrin cəmiyyət üçün faydalı insan olaraq yetişdirilməsi.
Müəllim tələbə münasibətləri: Tələbə və müəllim münasibətlərində dostluq və səmimilik, rektor və müəllimlərin tələbələrlə qurduğu dost münasibəti, ehtiyacları olduqda onları dinləmələri, müəllimlərin öz boş vaxtlarını tələbələri ilə bölüşməsi, onlarla yaxından maraqlanması.
Təqaüd və güzəştlər: dövlət sifarişli oxuyan tələbələr üçün təqaüd, ali məktəbə qəbul olunarkən yığdığı bala görə edilən güzəştlər, sosial fəaliyyətlərdə iştiraka görə verilən təqaüdlər və s.
Beynəlxalq əlaqələr: təhsil müddətində xaricdə təhsil və təcrübə imkanları, qarşılıqlı mübadilə proqramları, dil laboratoriyası və yüksək ingilis dili səviyyəsinin olmasına görə dünyaya inteqrasiya.
Sosial-mədəni və idman fəaliyyətləri: universitetdə fəaliyyət göstərən dərnək və klublarda tələbələrin özlərini inkişaf etdirmə fürsətləri, bilik yarışmaları, müsabiqələr, şənliklər, seminarlar, yerli və beynəlxalq konfranslar, tələbələrin öz layihələrini və ideyalarını həyata keçirmə imkanları.
İnfrastruktur: gözəl tələbə şəhərciyi, xoş atmosfer, proyektor və ağıllı lövhələrlə təchiz olunmuş auditoriyalar, müasir kompyuter laboratoriyaları, universitetin hər yerində istifadə edə biləcəyiniz Wi-Fi, ideal isitmə sistemi, təmizlik xidmətləri, futbol meydançası, rahat və səliqəli siniflər, kantin, yeməkxana xidmətləri, xarici universitet kitabxanaları ilə əməkdaşlıq edən zəngin elektron və klassik kitabxana və s.
Ceyranbatan gölünə açılan gözəl mənzərələrlə göz oxşayan Qafqaz Universiteti müasir dünyada texnologiyanın inkşafı ilə ayaqlaşacaq, aldıqları təhsillə bu sürətli inkişaf prosesinə uyğunlaşacaq bacarıqlara malik tələbələr yetişdirməkdədir.
Məqsədimiz Qafqaz ailəsinin səmimi muhitində valideyn, cəmiyyət və iş dünyasının tələblərini nəzərə alaraq tələbələrimizi həyata hazırlamaqdır.
Dos. Şahin Durmaz
“QUTechnopark”
İdarə Heyətinin Sədri, Qafqaz Universiteti Prorektoru

zaman.az

26 Temmuz 2014 Cumartesi

“İxtisas qrupumu sevdiyim fənlərə görə müəyyən etmişəm”






Tələbə Qəbulu üzrə Dövlət Komissiyasının (TQDK) açıqladığı imtahan nəticələrinin böyük sevinc bəxş etdiyi ailələrdən biri də İsmayıl Hacıyevin ailəsidir. Bu ailənin yeganə oğul övladı Məmməd Hacılı I ixtisas qrupu üzrə keçirilən ali məktəblərə qəbul imtahanlarında maksimum balı (700 bal) toplayaraq yaxınları və müəllimləri başda olmaqla, onu sevən hər kəsi sevindirib. Bu ailənin sevincinə şərik olmaq üçün Məmməd Hacılının qonağı olduq. 


Məlumat üçün bildirək ki, Hacıyevlər ailəsi Zəngilan rayonundandır. Onlar ermənilər tərəfindən öz doğma yurdlarından didərgin salındıqdan sonra, dövlət tərəfindən Bakıdakı yataqxanaların birində müvəqqəti yaşayış yeri ilə  təmin olunublar.
“Məmməd həm də nümunəvi övlad olub”
Ürəyi fərəhlə dolu ata ürəyindən keçənləri eşitmək bizim üçün çox maraqlı idi. İ. Hacıyev bildirdi ki, məcburi köçkün həyatı yaşadığı üçün daimi fikrini ailə qayğıları məşğul edib. Həm özü, həm də ailəsi üçün nəsə böyük arzuları olmayıb. Bəlkə də olub, sadəcə, bu barədə düşünməyə vaxt tapa bilməyib: “Biz Məmmədin 700 bal toplayacağına inanırdıq. Çünki bütün sınaq imtahanlarında Məmməd yüksək bal yığırdı. Axırıncı sınaq imtahanlarında isə bir neçə dəfə 700 bal toplamışdı. Ali təhsil ocaqlarına qəbul imtahanlarında da maksimal balı yığdığını eşitdikdə isə sevincimizin həddi-hüdudu olmadı. Onda düşündüm ki, bu günə kimi ürəyim heç də ətalətdə olmayıb. Elə bu mənim ən böyük arzum imiş”. İ. Hacıyev onu da bildirdi ki, sevincini ilk olaraq qardaşı və yataqxanada qonşusu olan Mahirlə bölüşüb: “Məmmədin təhsili ilə ən çox maraqlananlardan biri yataqxana qonşum Mahir idi. İmtahanın nəticələri ilə bağlı da tez-tez bizə zəng edib maraqlanırdı. O həmişə mənə deyirdi ki, Məmməd 700 bal toplayacaq. Məmmədin imtahan nəticəsi ilə bağlı ən çox sevinənlərdən biri də Mahir oldu”. Onun sözlərinə görə, Məmməd nümunəvi şagird olmaqla yanaşı, həm də nümunəvi övlad olub: “Məmməd bir çox yaşıdları kimi əyləncəyə və s. meyilli olmayıb. Bu illər ərzində dərslərindən başqa, demək olar ki, heç nəyə maraq göstərməyib. Mən də ona qarşı çox tələbkar olmuşam”.
“Mən valideyn olaraq, həqiqətən,
lisey ailəsinin üzvü olmuşam”
Məmmədin bir çox fənn olimpiadalarında uğurla iştirak etdiyini dilə gətirən İ. Hacıyev onun “Dədə Qorqud” liseyinə də imtahan verərək, yüksək nəticə ilə qəbul olduğunu dedi: “Oğlum orta məktəbdə 6-cı sinfi bitirdikdən sonra “Dədə Qorqud” liseyinə qəbul imtahanı verdi. O bu imtahanda ən yüksək nəticə göstərən 3 şagirddən biri oldu. Buna baxmayaraq, maddi imkansızlıq ucbatından liseydə oxutmaq istəmirdim. O vaxtkı müdir müavini Fuad Baxışlı məni liseyə dəvət etdi, Məmmədi nə üçün liseyə qoymaq istəmədiyimi soruşdu. Mən də ona hər şeyi olduğu kimi dedim. F. Baxışlı Məmmədin təhsil haqqına 55% güzəşt etdi. Bundan sonra Məmməd liseydə oxumağa başladı. Açığı, mən Məmmədin bu liseydə oxumasını çox istəyirdim. Oradakı təhsilin keyfiyyətindən xəbərim var idi. Məmməd birinci ili liseydə oxuyanda, onunla birlikdə “Dədə Qorqud”a o qədər gedirdim ki, şagirdlər elə bilirdilər ki, mən də müəlliməm. Hətta mən hansı gün liseyə getmirdimsə müəllimlər mənə zəng edib, niyə gəlmədiyimi soruşurdular. Mən, həqiqətən, valideyn olaraq, lisey ailəsinin üzvü olmuşam. Nə vaxt ki mən uşağın dərsi, məktəbdə özünü necə aparması ilə maraqlana bilmirdim, mənfi nəticəsini görürdüm”. İmtahan ərəfəsində rahat olduğunu ifadə edən həmsöhbətimiz bildirdi ki, imtahan suallarının düzgün  cavabları açıqlanandan sonra balların elan olunduğu günə qədər narahat olub: “İmtahan olan günü saat 16:00-da sualların düzgün cavabları açıqlandı. Həmin cavablar əsasında yoxladıq ki, Məmməd bütün sualları düzgün cavablandırıb. Bunu biləndən sonra imtahanların nəticələri elan olunan günə qədər çox narahat oldum. Narahat idim ki, oğlum kodlaşdırmada nəsə səhv edə bilər”.
“Məmmədin elm adamı olmasını istəmişəm”
Məmmədin anası Flora Hacıyeva isə bildirdi ki, Məmmədin dərs oxumaqla uşaqlıqdan bu yana heç vaxt problemi olmayıb: “Məmmədin uşaqlığı dəcəl olub. Uşaqlıqdan indiyə kimi dediyini eləməyə çalışıb. Mənə də söz düşəndə deyirdi ki, universitetə qəbul imtahanında 700 bal toplayacam”. Məmmədin uşaq vaxtı coğrafiyaşünas olmaq istədiyini xatırlayan F. Hacıyeva söylədi ki, o, məktəbə qədər dünyanın siyasi xəritəsini əzbər bilirdi. F. Hacıyeva onu da əlavə etdi ki, oğlunun elm adamı olmasını istəyib: “Məmmədin kitaba böyük marağı olduğu üçün istəmişəm ki, o, elm adamı olsun. Həmyaşıdları hansısa əşya üçün ağladığı halda, Məmməd kitab üçün ağlayırdı”.
“Mən yaxşı futbolçu da ola bilərdim”
Məmməd Hacılı ali məktəbə qəbul imtahanını necə verməsi haqqında bizimlə ətraflı söhbət etdi:  “Sınaq imtahanlarında 40 dəqiqə ərzində 125 sualı cavablandırırdım. Qəbul imtahanının suallarını isə cavablandırmağa 1 saat 10 dəqiqə vaxtım getdi. Sualları düzgün cavablandırmağıma əmin olmaq üçün yazdığım sualları 3 dəfə başdan-ayağa yenidən yoxladım. Sonda kodlaşdırmaya 30 dəqiqə vaxtım qaldı. Qorxurdum ki, kodlaşdırıb çatdıra bilməyim. Ona görə də sualları sürətli kodlaşdırdım. Hesab edirəm ki, imtahanda diqqət çox önəmlidir. Diqqətini həll etdiyin suala cəmləyə bildinsə, cavabı tapmaq o qədər də çətin olmur”. M. Hacılı onu da əlavə etdi ki, dərslərini yaxşı oxumasında ona müəllimləri ilə yanaşı, valideynlərinin də böyük dəstəyi olub: “Digər lisey şagirdləri kimi mən də çox fəalam. Buna baxmayaraq, imtahan nəticələrim respublika üzrə ilk üçlükdə olmasa, valideynlərim liseyin sosial fəaliyyət proqramlarında iştirak etməyimə icazə vermirdilər. Futbola böyük marağım var. Hesab edirəm ki, valideynlərim futbol oynamağıma  icazə versəydilər, mən yaxşı futbolçu da ola bilərdim”. Ən çox sevdiyi fənlərin fizika və riyaziyyat olduğunu dilə gətirən M. Hacılı bu səbəbdən də I ixtisas qrupunu seçdiyini ifadə etdi: “Elə şagirdlər var ki, sevdiyi ixtisas hansı qrupdadırsa, o qrupa hazırlaşır. Mən isə ixtisas qrupumu sevdiyim fənlərə görə müəyyən etmişəm. İxtisas olaraq, kompyuter mühəndisliyi ixtisasını seçəcəm. Buna səbəb isə kompyuter mühəndisliyinin fizika və riyaziyyat elmlərinin vəhdət təşkil etdiyi sahə olmasıdır”. Həmsöhbətimiz ali təhsil almaq istədiyi universitetin adını da açıqladı: “Qafqaz Universitetində ali təhsil almaq istəyirəm. Çünki mən bilirəm ki, Qafqaz Universiteti digər sahələrdə olduğu kimi, kompyuter mühəndisliyi üzrə də yaxşı mütəxəssis hazırlayır. Bunun üçün həmin universitetin güclü maddi-texniki bazası və savadlı professor, müəllim heyəti var”. M. Hacılıdan onu da öyrəndik ki, 700 bal toplamasının sevincini ilk olaraq müəllimi Elnur Gülmalıyev ilə bölüşüb: “Açığı, mənim üçün 700 bal yığmağımın o qədər də əhəmiyyəti yoxdur. 695 balla da istədiyim ixtisasa qəbul ola bilərəm. Mən daha çox liseyimizin adına çox sevindim. Sevindirici hallardan biri də budur ki, liseyimiz I ixtisas qrupu üzrə yüksəkballı abituriyentlərinin sayına görə respublika üzrə birinci yeri tutdu. Belə ki, builki I ixtisas qrupu üzrə keçirilən qəbul imtahanlarında “Dədə Qorqud” liseyinin məzunlarından 6 nəfər 600 balı keçib. 600-dən yuxarı yığılan balları isə bunlardır: 700, 695, 675, 664, 659, 656, 620 bal”. Qəbul imtahanına 10 gün qalmış ancaq “Azərbaycan dili” oxuduğunu bildirən M. Hacılı öyrənməyə çətinlik çəkdiyi sahənin fonetika olduğunu ifadə etdi.
“Məqsədli şəkildə və
səmərəli oxumaq lazımdır”
Söhbətimiz əsnasında səmərəli kitab oxumağın yolları haqqında da danışan müsahibimiz bunları dedi: “Məqsədli şəkildə və səmərəli oxumaq lazımdır. Bir də sürətli olmaq vacibdir”. M. Hacılı onu da söylədi ki, daha çox tarixi və elmi kitabları oxumağı xoşlayır: “Kinolardan da tarixi və elmi olanlara daha çox baxıram. Xobbim isə futboldur”. Lisey illərinin xatirələrindən də söhbət açan müsahibimiz bunları dedi: “Düşünmürəm ki, müəllimlərimdən, sinif yoldaşlarımdan ötrü darıxacam. Çünki istədiyim vaxt gedib onları görəcəm. Mən ümumilikdə lisey həyatı üçün darıxacam. Biz şagird yoldaşlarımızla, müəllimlərimizlə birlikdə mehriban lisey ailəsi idik"

http://zaman.az/az/newsDetail_getNewsById.action?newsId=60089

21 Temmuz 2014 Pazartesi

"Pasha Bank" esse müsabiqəsinin 10 qalibini müəyyənləşdirib

"Pasha Bank" esse müsabiqəsinin 10 qalibini müəyyənləşdirib
Azərbaycan, Bakı, 18 iyul /Trend, müxbir Emin Əliyev/
"Pasha Bank" "British Council Azerbaijan" ilə birlikdə "Gələcəyə təşəbbüs" illik esse müsabiqəsinə yekun vurub.
Trend-in məlumatına görə, bankın Korporativ Kommunikasiyalar Departamentinin rəhbəri Sona Abbasovanın sözlərinə görə, belə tədbirlərin keçirilməsi "Pasha Bank"ın korporativ sosial məsuliyyət siyasətinin bir hissəsidir: "İqtisadi inkişafın sürətləndirilməsi və insan kapitalının və maliyyə təhsilinə investisiyaların yatırılmasına yönəlmiş siyasətimizə uyğun olaraq "Pasha Bank" artıq dördüncü ildir ki, bu müsabiqəni keçirir. Biz bu təşəbbüsü gələcəkdə də davam etdirmək niyyətindəyik".
Müsabiqədə iqtisadi mövzuda 100-ə yaxın iş təqdim olunub. Onların ali məktəblərin tələbələri olan müəllifləri Azərbaycanın gələcək inkişafı haqqında öz baxışlarının və ideyalarını ifadə ediblər. "Pasha Bank" və "British Council"ın nümayəndələrindən təşkil olunmuş münsiflər heyətinin seçdiyi 10 finalçı final müsahibəsindən keçiblər. Bunu əsasında beş qalib seçilib: Aysel Soltanlı (Qafqaz Universiteti), Zeynəb Dadaşova (ADİU), Ruqiyə Qəhrəmanlı (ADA Universiteti), Toğrul İsmayılov (Qafqaz Universiteti) və Firəngiz Ağayeva (ADİU).
Müsabiqənin qalibləri "King's College" Biznes və İdarəetmə Yay Məktəbində (London) iştirakla mükafatlandırılıblar. Həmçinin on finalçı da "Pasha Bank"dan qiymətli hədiyyələr və müvafiq sertifikatlar alıblar.

www.trend.az

Məqalə müəllifi ilə əlaqə ünvanı: agency@trend.az

“PAŞA Bank” və “British Council” yazı müsabiqəsinin qaliblərini elan edib

“PAŞA Bank” və “British Council” yazı müsabiqəsinin qaliblərini elan edib
Bakı. Musa Əhmədov– APA-Economics. "Pasha Bank" "British Council Azerbaijan" ilə birlikdə ‘Gələcəyə Təşəbbüs Yazı Müsabiqəsi 2014’ layihəsinin qaliblərini elan edib. "Pasha Bank"dan “APA-Economics”ə verilən məlumata görə, müsabiqəyə Azərbaycanın müxtəlif universitetlərindən 100-ə yaxın iş təqdim olunub. İqtisadi inkişafla bağlı mövzuları əhatə edən yazılarda ölkənin gələcək inkişafına dair müxtəlif yönümlü, orijinal fikirlər öz əksini tapıb.
 “PAŞA Bank”ın Korporativ Kommunikasiyalar Departamentinin direktoru Sona Abbasova deyib ki, belə tədbirlərin keçirilməsi "PAŞA Bank"ın korporativ sosial məsuliyyət siyasətinin bir hissəsidir: “PAŞA Bankın Korporativ Sosial Məsuliyyət proqramının əsas missiyası olan İqtisadi İnkişafın Sürətləndirilməsi və İnsan Kapitalına İnvestisiya çərçivəsində artıq dördüncü ildir ki, biz uzun müddətli partnyorumuz olan “British Council” ilə çox effektiv nəticəsi olan bu layihəni həyata keçiririk. Layihəni növbəti illərdə də həyata keçirməyi planlaşdırırıq’.
 Yazı işləri “British Council Azərbaycan” və “PAŞA Bank”ın nümayəndələri tərəfindən qiymətləndirilib. Müsabiqə ümumilikdə ərizələrin qəbulu, yazıların yoxlanılması və ardıcıl təşkil olunan iki mərhələli müsahibələrdən ibarət olub. Yekun müsahibə “PAŞA Bank” və “British Council” nümayəndələri tərəfindən aparılıb. Bütün müsahibələr sona çatdıqdan beş qalib seçilib: Aysel Soltanlı (Qafqaz Universiteti), Zeynəb Dadaşova (ADİU), Ruqiyyə Qəhrəmanlı (ADA Universiteti), Toğrul İsmayılov (Qafqaz Universiteti) və Firəngiz Ağayeva (ADİU).
 Qaliblər bu ilin iyul-avqust ayları ərzində Birləşmiş Krallığın dünyaca məşhur “King’s College London” ali məktəbində biznes üzrə yay kurslarında iştirak etmək şansını əldə ediblər.

 Qeyd edək ki, “PAŞA Bank” ilk beşlikdə yer ala bilməyən gənclərə də dəyərli hədiyyələr təqdim edib. Bundan əlavə, finalçılara “British Council Azərbaycan” və “PAŞA Bank” adından sertifikatlar təqdim edilib.
http://az.apa.az/news/350113

16 Temmuz 2014 Çarşamba

Qafqaz Universiteti bu il üçün tələbə qəbulu planını 930-a yüksəldib.

Moderator.az xəbər verir ki, ə universiterin İctimaiyyətlə Əlaqələr üzrə Prorektoru Natiq Paşa məlumat verib. O, qeyd edib ki, universitetdə bu il ödənişsiz təhsil planı üçün 530 yer müəyyənləşdirilib.
"Keçən il universitetə qəbul planı 802 yer, 360 yer isə dövlət sifarişli olub".
N. Paşa bu il Qafqaz Universitetində 2 ixtisasın yaradıldığını da sözlərinə əlavə edib. Onun sözlərinə görə, yeni ixtisaslardan biri BP-nin sponsurluğu ilə yaradılan "İnşaat Mühəndisliyi" ixtisasıdır, ikinci isə "Məktəbəqədər təhsil" in ingilis dilində tədrisi ixtisasıdır.

http://moderator.az/?xeber=50072

700 bal toplayan abituriyentlər danışdı:



Tələbə Qəbulu üzrə Dövlət Komissiyası (TQDK) iyulun 12-də I və IV ixtisas qrupları üzrə keçirilən qəbul imtahanının nəticələrini açıqlayıb. I qrupdan 5 nəfər, IV qrupdan 2 nəfər 700 bal toplayıb. Publika.az həmin abituriyentlərin ixtisas seçimləri və hazırlıq prosesi barədə maraqlanıb.

I ixtisas qrupu üzrə imtahan verən Könül Qurbanlı Yusif qızı Azərbaycan bölməsi üzrə “Zəngi” liseyinin məzunudur. Müəllimləri və valideynləri üçün 700 bal gözlənilən nəticə olsa da, Könülün bəzi şübhələri olub. TQDK-nın sınaqlarında 690 bal toplayıb. Onun birinci qrupu seçməsi isə riyaziyyat fənninə olan sevgisidir.

“10-11-ci siniflərdə ciddi və çətin hazırlıq prosesi keçmişəm, amma nəticə yaxşı olduğu üçün həmin çətinliyə dəydi. Hansı universitetdə təhsil almaq qərarını verməmişəm, Bakı Ali Neft Məktəbi, ADA-da təhsil almaq,  təhsilimi magistratura səviyyəsində xaricdə davam etdirmək istəyirəm”.

Hacılı Məmməd İsmayıl oğlu Bakı özəl türk liseyinin "Dədə Qorqud" filialının Azərbaycan bölməsinin məzunudur. O, əlavə hazırlığa getmədiyini, liseydə keyfiyyətli təhsil aldığını deyir:

“Son iki ildə ciddi hazırlaşmışam, amma əlavə hazırlığa getməmişəm. Çünki liseydəki dərs proqramımız imtahana tam hazırlayırdı. Artıq seçimimi etmişəm – Qafqaz Universitetində Kompyuter mühəndisliyi fakültəsində oxumaq istəyirəm. Birinci kursu bitirdikdən sonra təhsilimi İngiltərədə davam etdirməyi düşünürəm”.

Nəbizadə Fatimeyi Zəhra Nemət qızı Bakı Türk liseyinin (BDU-nun nəzdində, təsisçi Türkiyə Dəyanət Vəqfi) məzunudur. O, nəticənin gözlənilən olduğunu deyir.

“5-ci sinifdən çox ciddi, planlı şəkildə hazırlaşmışam. "Araz" kurslarına getmişəm, məktəbdə bütün dərslərimi də yaxşı oxumuşam. Amma yüksək nəticə əldə etmək üçün özümə plan qurmuşdum, istirahətə də vaxt ayırmaqla yanaşı, ciddi hazırlaşırdım. Universiteti seçməsəm də, mexanika mühəndisliyi fakültəsində oxumaq istəyirəm. Xaricdə təhsil barədə düşünsəm də, ailəmlə birlikdə qərar verəcəyik. Çünki artıq bir bacım və qardaşım xaricdə təhsil alır. Ailəmizin imkanlarını nəzərə alaraq qərar verəcəyik”.

Quluzadə Nurlan Fəzayıl oğlu 'Zəkalar' liseyi məzunudur. Sınaqlarda, adətən,  650-dən çox nəticə göstərən Nurlan yüksək bal toplayacağından əmin olduğunu deyir. Mühəndis olmaq istəyir. Ali məktəb seçimi isə Bakı Ali Neft Məktəbi, yaxud Azərbaycan Diplomatik Akademiyası olacaq.

IV  ixtisas qrupu üzrə 700 bal toplayan  Məmmədzadə İlkin Rəfael oğlu Ağdam rayonu Çəmənli kənd orta məktəbinin məzunudur. İlkin  sınaqlarda 680 bal toplasa da, TQDK-nın rəsmi saytından nəticəni görənə qədər 700 bala əmin olmayıb.

Atası hərbçi həkimdir və valideynləri Bakıda yaşayır. İlkin isə Ağdamda nənə-babasının yanında qalıb. Hazırlıq prosesi də orada keçib. Tətillərdə Bakıya gələndə müəllim yanına gedib istiqamət alıb. Rayonda isə mütəmadi olaraq fərdi müəllimlə hazırlaşmayıb. Xaricdə oxumaq istəyi olsa da, ilkin seçimi Azərbaycan Tibb Universitetinin müalicə işi fakültəsidir.

Qasımov Nicat Nazim oğlu Ağsu rayonu 1 saylı şəhər orta məktəbin məzunudur. Nicat TQDK-nın və "Araz" kurslarının sınaq imtahanlarında, adətən, 680 ətrafında bal toplayıb. Son iki ildə fərdi müəllimlə hazırlaşıb. Nicat Azərbaycan Tibb Universitetinin müalicə işi fakültəsini seçib, amma xaricdə təhsil almağı da planlaşdırır.

Gülxar
http://publika.az/p/30989

Qafqaz Universitetindən yenilik (FOTO)

Universitet tələbə qəbulu planını yüksəldib
Qafqaz Universiteti bu il üçün tələbə qəbulu planını 930-a yüksəldib.

Bu barədə ANS PRESS-ə universiterin İctimaiyyətlə Əlaqələr üzrə Prorektoru Natiq Paşa məlumat verib. O, qeyd edib ki, universitetdə bu il ödənişsiz təhsil planı üçün 530 yer müəyyənləşdirilib.

"Keçən il universitetə qəbul planı 802 yer, 360 yer isə dövlət sifarişli olub".

N. Paşa bu il Qafqaz Universitetində 2 ixtisasın yaradıldığını da sözlərinə əlavə edib. Onun sözlərinə görə, yeni ixtisaslardan biri BP-nin sponsurluğu ilə yaradılan "İnşaat Mühəndisliyi" ixtisasıdır, ikinci isə "Məktəbəqədər təhsil" in ingilis dilində tədrisi ixtisasıdır.

 
 

8 Temmuz 2014 Salı

Qafqaz Uiniversitetində “Proqramlaşdırma təlimi” layihəsinin iştirakçılarına sertifikat təqdim olunub

Qafqaz Uiniversitetində “Proqramlaşdırma təlimi” layihəsinin iştirakçılarına sertifikat təqdim olunub
1-30 iyun 2014-cü il tarixlərində  Qafqaz Uiniversitetində “Abşeron Rayon Ümumtəhsil məktəbləri müəllimlərinə “ Proqramlaşdırma təlimi”  layihəsi çərçivəsində dərslər müvəffəqiyyətlə bitmişdir.
    04 iyul 2014-ci il tarixində həmin təlimdə iştirak edən riyaziyyat informatika muəllimlərinə sertifikat təqdimatı keçirilib.Tədbirdə Qafqaz Universiteti Kompyuter Mühəndisliyi Bölməsinin baş müəllimi təlimçi Etibar Seyidzadə həyata keçirilmiş təlim haqqında ətraflı məlumat verib. O qeyd edibki, təlimlər Qafqaz Universitetinin kompyuter laboratoriyasında keçirilmişdir. Təlimlərdə Xırdalan şəhəri, Abşeron rayonunun Saray, Masazır, Novxanı, Hökməli, Görədil ümumtəhsil məktəblərindən 18 nəfər İnformatika və Riyaziyyat fənn müəllimləri iştirak etmişdir. Müəllimlərə 65 saatlıq təlim müddətində alqoritmlər və C dilində proqramlaşdırma mövzuları tədris edilmişdir. Müəllimlər e-olimp.com.ua/az saytında avtomatik qiymətləndirilmə sistemi və onun imkanları ilə tanış olmuşlar. Təlim müddətində müəllimlərə məsələlərin alqoritmlərinin tərtib edilməsi və C proqramlaşdırma dilində reallaşdırılması tapşırıqları verilmiş və həlləri e-olimp.com.ua/az saytında avtomatik qiymətləndirilməsi həyata keçirilmişdir.
Qafqaz Universitetinin Rektoru prof. Ahmet Saniç çıxış edərək universitetin ictimai məsuliyyət vəzifəsindən irəli gələn bu addımı yüksək qiymədləntirərək iştirakçıları təbrik edib.
Abşeron Rayon Təhsil Şöbəsinin İnformatika fənni üzrə metodisti Xalidə Hüseynova  çıxışında qeyd edibki Qafqaz universiteti ilə təmsil etdiyi qurum mütamadi belə layihələr həyata keçirir və bununda nəticəsi həmişə müsbət olur.
Təlim iştirakçılarıda  təlimin təşkilatçılarına və onlar üçün yaradılmış şəraitə görə Qafqaz universitetinin rəhbərliyinə təşəkkür ediblər
Tədbirin sonunda müəllimlərə sertifikatlar və hədiyyələr təqdim olunub.

http://www.qu.edu.az/az/news/Qafqaz-Uiniversitetind%C9%99-%E2%80%9CProqramla%C5%9Fd%C4%B1rma-t%C9%99limi%E2%80%9D-layih%C9%99sinin-i%C5%9Ftirak%C3%A7%C4%B1lar%C4%B1na-sertifikat-t%C9%99qdim-olunub-5640.html

7 Temmuz 2014 Pazartesi

"İZ"li Pilləkənlər

"İZ"li Pilləkənlər"İZ" layihəsi çərçivəsində daxil olan müraciətlərdən biri daha gerçəkləşdi. Pedoqogika fakultəsi, İbtidai sinif müəllimliyi bölməsi tələbəsi Nərmin İbrahimlinin  "Ağıllı Pilləkənlər" adlandırdığı bu layihə müraciətçinin öz başçılığı və əməyi sayəsində həyata keçirildi. İlkin olaraq bir pilləkən üçün tətbiq edilən bu layihənin məqsədi Universitetin bütün pilləkənlərini "Ağıllı Pilləkən"ə çevirməklə həm Universitetimizin İnteryerinə bəzək gətirmək həm də hər kəsə faydalı ola biləcək aforizmləri hər zaman göz qabağında tutaraq onları maarifləndirməkdir.


http://iz.qu.edu.az/az/news/2014/07/quot-iZ-quot-li-Pillekenler-15.html

Artıq "İZ"i qalanlar var...

Artıq "İZ"i qalanlar varMəlumunuz olduğu kimi, bir neçə ay əvvəl Qafqaz Universiteti İnzibati-Təsərrüfat işləri üzrə prorektorluğu “İZ” layihəsinə start verdi.  Əsas məqsədi Universitetin gözəlləşdirilməsi, Universitet şəhərciyinə innovativ ünsürlər gətirilməsi və müəllim və tələbələrin bu işlərə cəlb edilməsi olan layihənin birinci fazasında qəbul olunan müraciətlər müraciətçilərin özlərinin də iştirakı ilə əvvəlcədən müəyyən olunmuş Qİymətləndirmə Komissiyası tərəfindən dəyirmi masa arxasında dəyərləndirildi və
həyata keçirilmə ardıcıllığına görə qruplara bölündü. 
Həyata keçirilən ilk müraciət isə Universitetin Pedoqogika fakultəsi İbtidai Sinif Müəllimliyi bölməsi tələbəsi Nərmin İbrahimliyə məxsusdur. Layihə əsasında Universitet kampusu daxilində yerləşən skamyaların Qafqaz Universiteti logosu ilə bəzədilməsi nəzərdə tutulub. İlkin olaraq bu gün 2 skamya mavi rəngli Qafqaz logosu ilə bəzədildi. Ümid edirik ki, bu layihə tam olaraq həyata keçirildikdən sonra hər kəsin böyük marağına səbəb olacaq. 
QU logolu skamyaları sizlərə təqdim edirik:

"Sizin də "İZ"iniz qala bilər"

http://iz.qu.edu.az/az/news/2014/07/Artiq-quot-iZ-quot-i-qalanlar-var-14.html

3 Temmuz 2014 Perşembe

“Mən həm də iki ölkə arasındakı əlaqələrə yeni körpü salacağam”

 
“Mən həm də iki ölkə arasındakı əlaqələrə yeni körpü salacağam”

Qafqaz Universitetinin tələbəsi, 18 yaşlı mozambikli qız Şakira İssufu Malunda “Nə qaldı” və daha bir neçə Azərbaycan mahnısını əsl azərbaycanlı kimi ifa edir.
Üstəlik, onun aparıcılıq qabiliyyəti də var. Bu il Bakıda keçirilmiş Məktəblilərin VIII Ətraf Mühitin Mühafizəsi Beynəlxalq Layihə Olimpiadasının, eləcə də Ümumrespublika Dil və Mədəniyyət Festivalının aparıcılarından biri (digər aparıcı İctimai Televiziya və Radio Yayımları Şirkətinin aparıcısı Saleh Bağırov idi) də o olub. Şakiranın Azərbaycan dilində səlist danışması dəfələrlə alqışlarla qarşılanıb. Bu günlərdə “Qafqaz”da olarkən Şakira ilə həmsöhbət olduq. Onunla söhbətə elə bu tədbirlərlə bağlı sualla körpü saldıq. O dedi: “İnsanlar Yer kürəsinin sinəsinə çətin sağalan yaralar vurub. Bu ciddi problemin həllində yetişməkdə olan nəslin üzərinə böyük vəzifələr düşür. Onlar yaşlı nəsillərin təbiətə vurduğu yaraları sağaltmalı, bitki və heyvanat aləminin hərtərəfli inkişafı üçün səy göstərməlidirlər. Elə Məktəblilərin Ətraf Mühitin Mühafizəsi Beynəlxalq Layihə Olimpiadası da bu amala xidmət edir. Bu mənada deyərdim ki, bu tədbirin analoqu yoxdur. O ki qaldı Ümumrespublika Dil və Mədəniyyət Festivalına bu festival  türk dilinin dünya miqyasında geniş yayılmasında mühüm rol oynayır”. Daha sonra o, digər suallarımızı cavablandırdı.
 - Şakira adını sənə kim verib? Olmaya, bu, valideynlərinizin, yaxud qohum-əqrəbanızın kolumbiyalı müğənni Şakiraya olan məhəbbətindən irəli gəlib?
- Bu adı mənə atam verib. Şakira ərəbcədən dilimizə tərcümədə “şükür” anlamını verir. Onu da deyim ki, bu ad məmləkətimizdə o qədər geniş yayılmayıb. Bir sözlə, mənə bu adın verilməsinin dediyiniz Şakira ilə heç bir əlaqəsi yoxdur.
- Şakira,  Azərbaycan dilində sərbəst danışır, üstəlik, bir neçə Azərbaycan mahnısını da ifa edirsən. Bəlkə, Azərbaycan sevgisinin tarixindən bəhs edəsən?
- Mən buna görə hər şeydən öncə, müəllimlərimə minnətdaram. Çünki məhz onlar mənə bu dili sevdiriblər, bu dilin incəliklərini başa salıblar. O ki qaldı mahnılara... İlk öyrəndiyim mahnı “Kimlərə qaldı dünya” olub ki, onu mənə Jalə adlı (hazırda o, Rusiyada çalışır) Azərbaycan dili müəllimim öyrədib. Yeri gəlmişkən, əgər belə demək mümkünsə, hazırda repertuarımda “Kimlərə qaldı dünya”, “Sarı gəlin”, “Qonaq gəl bizə”, “Ürəyimdəsən” mahnıları var. Mən onları həmişə sevə-sevə ifa edirəm. Hər dəfə alqışlara qərq olanda özümü dünyanın xoşbəxti sayıram. Amma nə gizlədim, geniş auditoriya qarşısında həmin mahnıları ifa edəndə çox həyəcanlanıram. Bilmirəm, bunu siz hiss etmisiniz, ya yox. Bilirsinizmi niyə? Həmin anlarda hamı məni elə diqqətlə dinləyir ki... Hiss edirəm ki, qarabənizli, mozambikli qızın Azərbaycan dilində sərbəst danışmağı, üstəlik, mahnı ifa etməsi onlara bir qədər qəribə gəlir.
- Bu mahnılardan hansı sənə şirin gəlir?
- “Kimlərə qaldı dünya”. O mənə adi mahnı kimi gəlmir. Çünki bu mahnının sözlərində fəlsəfə var, odur ki, adamı düşünməyə vadar edir.
- Həmin mahnının sözlərinin kimə məxsus olduğunu bilirsən?
- Hə, Aşıq Alınındır. Eşitdiyimə görə, o, Azərbaycanın məşhur saz, söz ustadlarından olub.
- Repertuarına hansı yeni mahnı daxil etmək niyyətindəsən?
- Sözün düzü, hazırda bütün qüvvəmi təhsilə yönəltmişəm. Buna rəğmən, ürəyimi titrədəcək hansısa mahnının məni ovsunlayacağı şübhəsizdir. Təbii ki, o zaman mən özümü ram edə bilməyəcəyəm.
- Nə vaxtsa həmin mahnılardan birinə klip çəkdirmək niyyətin var?
- Ola bilər, niyə də olmasın? Hər halda, bu, gələcəyin işidir.
- Şakira, həmin mahnıları öyrənmək üçün çox vaxt sərf etmisən?
- Burada olduğum 6 ay ərzində onları öyrənmişəm. Onu da deyim ki, Azərbaycan dilini öyrənməyimdə bu mahnıların mühüm rolu olub. Məlumunuz olsun ki, hazırda mən Qafqaz Universitetinin hazırlıq kursunu başa vurmuşam. Bu ildən bu təhsil ocağında biznesin idarə edilməsinin sirlərinə yiyələnməyə başlayacağam.
- Bizim dili öyrənərkən hansı çətinliklərlə qarşılaşdın?
- Mənə elə gəlir ki, Azərbaycan dilinin qrammatikası o qədər də çətin deyil. Amma bəzi hərflərin (ə, ö, ü, ı) tələffüzündə çətinliklərlə qarşılaşdım. Kinolara baxmaqla, mahnılar ifa etməklə, kitablar oxumaqla bu problemi də yoluna qoydum.
- Bu dildən başqa hansı xarici dilləri bilirsən?
 - Bilmirəm, bilirsiniz, ya yox, bizdə dövlət dili portuqal dilidir. Təbii ki, öz doğma dilimdən savayı, bu dili bilirəm, üstəlik, ingilis, bir az da ispanca danışmağı bacarıram. 
- Şakira xanım, Dil və Mədəniyyət Festivalında Nəsimi adına Dilçilik İnstitutunun rəhbəri, dilçi-alim Tofiq Hacıyev Azərbaycan dilində səlist danışığınızı, mahnı ifa etməyinizi yüksək dəyərləndirdi və sizi bağrına basaraq rəhbərlik etdiyi elm ocağına elmi işçi kimi dəvət etdi. İndi bu məsələ nə yerdədir?
- Sözün düzü, türk dünyasında kifayət qədər tanınmış belə bir alimin məni yüksək dəyərləndirməsindən qürur duydum. Təəssüf ki, onun təklifini hələ də dəyərləndirməmişəm.
- Ali məktəbi başa vurandan sonra bu məmləkətdə fəaliyyət göstərmək ürəyindən keçir?
- Ali təhsildən sonra bu məmləkətdə bir neçə il qalmaq niyyətindəyəm. Amma hələ ki tam qərar verməmişəm. Bu barədə yaxınlarımla məsləhətləşmələrə ehtiyacım var.
 “O ailə məni elə qarşıladı ki...”
- Şakira, bəlkə, özün barədə bir qədər ətraflı məlumat verəsən?
- Mən Mozambikin Niassa şəhərində doğulsam da, paytaxtda - Maputoda yaşayıram.
- Bakı ilə Maputo arasında bir oxşarlıq varmı?
- Bəri başdan deyim ki, Bakı çox gözəl şəhərdir. Bu şəhər həm də gözəl tarixi abidələri ilə diqqətimi çəkdi. Amma Maputo Bakı ilə müqayisədə daha çox qələbəlikdir. Bizim paytaxtda turistlər də çox olur. Məndən soruşanda ki, onlardan daha hansı gözəldir, o zaman düşünmədən deyirəm ki, hərənin öz paytaxtı daha xoşdur.
- Ölkəmizin bölgələrində olmusan?
- Yenə təkrar edirəm, indi bütün diqqətimi təhsilə yönəltmişəm. Hələlik, Sumqayıt şəhərində və Quba rayonunda olmuşam. Qubanın Qəçrəş kəndində bir ailənin müsafiri də oldum. O ailə məni elə qarşıladı ki... Yadıma düşmüşkən, bir neçə il öncə mən Türkiyədə  bir türk ailəsində olmuşdum. Mənə elə gəlirdi ki, türk ailəsi qədər mehriban ailə ola bilməz. Lakin Qəçrəşdə bu qənaətə gəldim ki, sən demə, Azərbaycanda da belə imiş. Yeri gəlmişkən, Azərbaycanın digər bölgələrini də ziyarət etmək ürəyimdən keçir.
- Səhv etmirəmsə, sən “Qafqaz”ın ilk mozambikli tələbəsisən. Elə isə “Qafqaz”ın sehrinə necə düşmüsən?
- Mən Mozambikdəki türk iş adamları və təhsil könüllüləri tərəfindən açılmış Beynəlxalq Söyüd Kollecində təhsil almışam. Orada bizim müəllimlərdən biri - türk dili müəllimi Handan Güvən (o, “Qafqaz”ın məzunudur) bizə həm Türkiyədən, həm də Azərbaycandan (onun söhbətlərinə qədər Azərbaycanı neft ölkəsi kimi tanıyırdım) söz açardı. Elə “Qafqaz” barədə də ilk məlumatı ondan almışam. Az sonra qısa zaman kəsiyində beynəlxalq aləmdə tanınmış bu təhsil ocağının sehrinə düşdüm və son anda burada təhsilimi davam etdirmək qərarına gəldim. Onu da deyim ki, Türkiyədə keçirilən türk dili olimpiadalarına qatılarkən azərbaycanlılarla tanışlığım da bu seçimimdə müəyyən rol oynayıb.
- Yeri gəlmişkən, sənin ana dilində də “söyüd” ifadəsi var?
- Var, sulaq yerlərdə bitən, ensiz yarpaqları, elastiki budaqları olan ağac və kol anlamındadır. Mən burada olduğum müddətdə Azərbaycan dilindəki bəzi sözlərin bizim dilimizdə də işləndiyinin fərqinə vardım. Gələcəkdə bu kimi oxşar sözləri araşdırmaq fikrindəyəm.
- Bu məmləkət xoşuna gəlirmi?
- Bəri başdan deyim ki, gündən-günə inkişaf edən belə bir məmləkətdə təhsil almağımdan qürur duyuram. Sözün doğrusu, Azərbaycan təsəvvür etdiyimdən də gözəl, həm də demokratik bir məmləkət imiş. Məsələn, bu ölkədəki dini tolerantlıq, sözün həqiqi mənasında, məni valeh edib. Amma bu məmləkətin təbii havasına uyğunlaşmaqda bir qədər çətinlik çəkdim. Sizin məmləkətdə dörd fəsil, bizdə isə iki fəsil (qış və yay) olur axı. Amma bizdə heç qış da soyuq keçmir. Artıq Bakı küləyinə də alışmışam. Bu mənada bu kimi çətinliklərim daha arxada qalıb. Bir sözlə, indi özümü məmləkətimizdəki kimi hiss edirəm. Bu məmləkətə elə vurulmuşam ki... Amma etiraf edim ki, bura gəlməmişdən əvvəl çox həyəcan keçirirdim. Hətta güman edirdim ki, rəngimə görə qınaqlara da tuş gələcəyəm. Bura gələndən sonra isə... Mən bu məmləkətin sevilən qızlarından biri oldum. Hə, yadıma düşmüşkən, burada ilk dəfə avtobusa minəndə camaat mənə elə qəribə baxırdı ki... Sözün düzü, onda yaman sıxılırdım. Amma bizdə ağdərili insanlara heç də elə baxmırlar. Nə isə... Bir sözlə, Azərbaycan məni gözlədiyimdən də yaxşı qarşıladı. Azərbaycan barədə isə o qədər yeni məlumatlar əldə etmişəm ki... Məsələn, öyrənmişəm ki, tarixən bu ölkənin başı bəlalar çəkib. Öyrənmişəm ki, bu ölkənin Hüseyn Cavid kimi, Şıxəli Qurbanov kimi fədailəri olub. Öyrənmişəm ki, bu ölkədə Novruz bayramı hər il mart ayında geniş miqyasda qeyd olunur. Yeri gəlmişkən, qeyd edim ki, bizdə mart ayında “Fasin” adlı bir bayram keçirilir. Bu tədbirdə hər bir bölgə öz istehsal etdikləri məhsullarla təmsil olunur. 
“Anam üçün yarpaq dolması bişirəcəyəm”
- Biznesin idarə edilməsi fakültəsini seçmisən. Gələcək planların nədən ibarətdir?  
- Mənim atam Avropada təhsil almış bir şəxs idi. Ölkəmizdə həm göz həkimi, həm sosioloq kimi fəaliyyət göstərirdi. O eyni zamanda bizneslə də məşğul olurdu. O, 5 il öncə dünyasını dəyişdi. Bundan sonra onun firması qapadıldı. Məqsədim vətənə dönəndən sonra atamın biznes sahəsində yarımçıq qalmış işlərini davam etdirməkdir. Güman edirəm ki, “Qafqaz”da alacağım təhsili mənə hər maneəni aşmaqda yardımçı olacaq. Amma onu da deyim ki, harada fəaliyyət göstərməyimdən asılı olmayaraq, “Qafqaz” sevgisi həmişə mənimlə olacaq. İmkanım olan kimi də bu ölkəni, bu təhsil ocağını ziyarət edəcəyəm. Bir də, mənim məqsədim yalnız oxumaq deyil ki... Mən həm də iki ölkə arasındakı əlaqələrə yeni bir körpü salacağam.
- 6-7 aydır ki, buradasan, darıxmırsan ki?
- Darıxanda anama zəng edib, onunla danışıram. Bununla da bu “problemi” həll edirəm.
- Tələbəlik həyatın necə keçir?
- Şikayətlənməyə haqqım yoxdur. “Qafqaz”ın yataqxanasında məskunlaşmışam. Bu yataqxanada tələbələr üçün gözəl şərait var. Universitetin yataqxanası sanki otelə bənzəyir desəm, səhv etmərəm. Yataqxanamızda müxtəlif ölkələrdən gəlmiş tələbələr mehriban bir ailə kimi yaşayırlar. Sözün düzü, bu ali təhsil ocağını seçməyimdə onun belə imkanları da nəzərə alınıb.
- Mozambikdə anan üçün hansı Azərbaycan xörəyi hazırlamağı düşünürsən?
- Artıq bu ölkənin milli mətbəxi barədə kifayət qədər məlumatım var. Bu yay bu sahədəki biliyimi daha da zənginləşdirəcəyəm. O ki qaldı konkret sualınıza anam üçün yarpaq dolması bişirəcəyəm.
- Şakira xanım, hazırda dünyanın müxtəlif ölkələrindən iş dalınca Azərbaycana gəlmiş əcnəbilər də çalışırlar. Onların arasında Mozambikdən gələnlər də varmı?
- Burada mən hələ ki  heç bir mozambikli ilə  rastlaşmamışam. Rastlaşsam, çox mutlu olaram.
Qvami Məhəbbətoğlu