Universitet yataqxanaları yeni tələbələri qəbul etməyə hazırdırmı?


Universitet yataqxanaları yeni tələbələri qəbul etməyə hazırdırmı?
Yeni tədris ilinin başlanmasına az qalıb. Universitetlərə qəbul olan tələbələrin əsas problemi kirayə ev tapmaq, yaxud yataqxanalarda yerləşmədir. 

“Tibb Universitetinin xarici tələbələr üçün nəzərdə tutulan 5 saylı yataqxanası 10 gündür təmirə bağlanıb”. Bunu Modern.az-a universitetinin həmkarlar İttifaqı komitəsinin sədri Cahangir Qasımov deyib. Onun sözlərinə görə, Tibb Universitetinin ümumən 5 yataqxanası var. Onlardan 2-si oğlan, 2-si qız, biri isə xarici tələbələrə məxsusdur. C.Qasımov hazırda təmir işləri gedən yataqxananın 2015-ci ildə istifadəyə tam hazır olacağını bildirib. 
“Qız tələbələrinin hamısını yerləşdirə bilirik. Oğlan yataqxanalarında isə problem var. Hərbi tibb fakültəsi yaradıldığı üçün oğlan tələbələrin sayı bu il artıb. Bunların yarıdan çoxu rayon sakinləridir”. 
C. Qasımovun sözlərinə görə, ötən tədris ilində Tibb Universitetinin yataqxanalarında 1156 nəfər tələbə yerləşdirilib. Bir tələbə üçün ödəniş 20 manatdır. 

Qafqaz Universitetinin prorektoru Natiq Paşa bildirib ki, qız və oğlan bölgüsü olmaqla universitetin 2 yataqxanası var. 
“Yataqxanalar yeni təmir olunub. Yeni tədris ilinə tam hazırdırlar. Hər yataqxanaya 300 tələbə qəbul edə bilərik”.
Prezident yanında Dövlət İdarəçilik Akademiyasının (DİA) mətbuat katibi Yusif Ağayev deyir ki, DİA-nın 2 yataqxanasında hazırda məcburi köçkünlər məskunlaşıb. “Orda tələbə çox azdır. Lap imkansızlardı”.
Azərbaycan Dövlət Neft Akademiyasının mətbuat katibi Tahirə Qafarlı qeyd edib ki, Akademiyanın 7 yataqxanası var. 
“ Onlardan 6-sı yenidən inşa olunmaq üçün sökülüb. Hazırda onlardan yalnız 1-i tələbələrə qəbul edə bilər. Bu yataqxanada isə əsasən xarici tələbələr qalır. Amma azərbaycanlılar da var. Yataqxana yeni tədris ilinə tam hazırdır. 350 tələbəni yerləşdirə bilərik”. 
Bakı Slavyan Univeristetinin (BSU) hazırda 3 saylı qızlar yataqxanası tələbələrə məxsusdur. Yataqxananın 1-ci mərtəbəsində məcburi köçkünlər məskunlaşıb. 2-ci mərtəbəsində xarici tələbələr yaşayır. 
Qeyd edək ki, xarici tələbələr üçün hər növ şərait yaradılıb. Ona görə də onlar aya 100 manatdan çox pul ödəyirlər. Yataqxananın 3-cü mərtəbəsində həm köçkünlər, həm də qız tələbələr var. 4-cü mərtəbə isə yalnız qız tələbələrə məxsusdur. 
BSU-da təhsil alan tələbələr aya 15 manat ödəyir. Xatırladaq ki, yataqxananın 4-cü mərtəbəsi ötən ilin may ayından sentyabra qədər təmir olunub.

Məltəm Talıbzadə

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>