30 Mart 2015 Pazartesi

Yeni Fikir 2015 finala çıxan layihələr

Yeni Fikir 2015 Müsabiqəsində finala çıxan layihələr
Uzun müddətdir böyük səbrsizliklə gözlənilən Yeni Fikir Müsabiqəsi 2015-in yarım final mərhələsi baş tutdu. 
Müxtəlif təhsil müəssisələri və dövlət, həmçinin özəl şirkətlərindən olan iştirakçılar fərqli sahələrə aid layihələri ilə münsiflər heyətinin qarşısına çıxdı. 
Qeyd edək ki, Yeni Fikir Müsabiqəsi ölkəmizdə innovasiya meyilli layihələrin tanınması və onlara dəstək üçün təşkil olunur. 
Bu arada müsabiqənin final mərhələsinə vəsiqə qazanmış iştirakçılar artıq bəllidir.

Layihənin adı

 Appoll

 Avtomatik Müdafiə Qurğusu

 Baku Parking

 Braille Pad

 Kitabmatik

 KURSLU.COM - onlayn təlim şəbəkəsi

 NeverAgain

 Reflected Security

 Security Copter

 Serviceon

 seyahetler.com

 SOTEQA LAB

“Yeni Fikir-2015” müsabiqəsinin final mərhələsinə vəsiqə qazanan layihələr müəyyənləşib

 
"Yeni Fikir-2015" (YFM) müsabiqəsində final mərhələsinə vəsiqə qazanan layihələr bəlli olub. Təşkilat Komitəsindən bildirilib ki, müsabiqənin final mərhələsində 12 komanda yarışacaq. Final mərhələsi aprelin 25-də keçiriləcək.

Finala vəsiqə qazanmış layihələrə "Appoll",  "Avtomatik Müdafiə Qurğusu", "Baku Parking", "Braille Pad", "Kitabmatik",  "KURSLU.COM - onlayn təlim şəbəkəsi", "NeverAgain", "Reflected Security", "Security Copter", "Serviceon", "seyahetler.com",  "Soteqalab" daxildir.


Qeyd edək ki, YFM Azərbaycanda innovativ sahibkarlığın və sənayenin inkişafını dəstəkləmək, eləcə də  texnoparkda ekosistemin inkişaf etdirilməsi üçün  müxtəlif layihələr həyata keçirən "QUTechnopark"ın (Qafqaz Universiteti Texnoparkı – "http://qutechnopark.az") fəaliyyət istiqamətlərindən biridir. YFM-in məqsədi gənclər arasında innovativ sahibkarlıq yanaşmasının inkişaf etdirilməsidir.

Müsabiqədə müxtəlif sahələr üzrə yeni iş fikirlərinin inkişafına dəstək verilir. YFM ildə bir dəfə keçirilir. Bu müsabiqədə  iş fikri ilə şirkətini qurmaq istəyən hər kəs iştirak edə bilir.

  Həqiqət İSABALAYEVA

http://ictnews.az/read-35908-news-1.html

6 Mart 2015 Cuma

5 Mart 2015 Perşembe

Pектор принял команду "IZKO"

Сегодня, 5 марта, в 15:00 ректор принял команду "IZKO", которая представила ректору вышедших в финал проекты. 
Координаторы команды также дали подробную информацию о бюджетах проектов и о том, как члены проектов собираются воплощать свои идеи в жизнь. Ректор одобрил и оценил работы всех студентов, вошедших в финал.
 


Ahmet Sanic met with the command "IZKO"

Today Ahmet Sanic met with the command "IZKO" which presented him the final projects of students. There were presented 14 projects. The members of "IZKO" gave main information about the projects, their budgets, ways of bringing them into life. Finally, Ahmet Sanic appreciated the works of participated students.
 

4 Mart 2015 Çarşamba

İZ 2015 layihəsi final mərhələsinin nəticələri bəlli oldu


Qafqaz Universitetinin gözəlləşdirilməsi, Universitet şəhərciyinə innovativ ünsürlər gətirilməsi məqsədi ilə 2015 “İZ” layihəsinin (iz.qu.edu.az)final mərhələsi baş tutmuşdur.
Təqdim olunan 50-yə yaxın layihə münsiflər heyəti tərəfindən dəyərləndirilmiş, eyni mövzuda olan layihələr birləşdirilmiş və qiymətləndirmə edilmişdir. Bu layihələr içindən ən çox xal toplayan 14 layihə seçilmiş və bu layihələrin tətbiq edilməsinə qərar verilmişdir. Layihələr siyahısı maksimum baldan başlayaraq yazılmışdır.
Mart ayı içərisində layihə rəhbərləri ilə görüş keçiriləcəkdir. Layihələr İZKO-nun nəzarətində həyata keçiriləcəkdir.
http://iz.qu.edu.az/az/pages/Layiheler-2015-55.html

ON / OFF Qafqaz University

On/Off video clip of Qafqaz University - February 2015 © Ahad Mammadov

Yeni Fikir 2015 Müsabiqəsində yarımfinalçılar bəlli oldu

Yeni Fikir 2015 Müsabiqəsində yarımfinalçılar bəlli olduQafqaz Universiteti Texnoparkının (QUTechnopark) həyata keçirdiyi Yeni Fikir 2015 Müsabiqəsində (YFM) yarımfinala vəsiqə qazanmış layihələr bəlli oldu.
26 Layihənin yarışacağı Yarımfinal Proqramı 29 Mart 2015-ci il tarixində QUTechnopark-da keçiriləcək.
YFM 2015-ə 252 müraciət daxil olmuşdur. Bu müracətlərdən bəziləri qeydiyyat şərtlərini tam təmin etmədiyi üçün qiymətləndirməyə cəlb edilməyib. 
Qiymətləndirmə prosesinə qəbul edilmiş layihələr, eləcə də yarımfinalçılar YFM-nin rəsmi veb səhifəsində yerləşdirilib.
İnnovativ sahibkarlığın inkişafına dəstək məqsədi ilə ilə təşkil edilən YFM ildə bir dəfə keçirilir.
YFM 2015-də müxtəlif universitetlərdə təhsil alan və ya məzun olmuş, eləcə də ayrı-ayrı müəssisələrdə fəaliyyət göstərən 500 nəfərə yaxın gənc iştirak edib ki, onun da təqribən 120 nəfəri hazırda Qafqaz Universitetinin tələbəsidir. Bundan başqa AMEA, Bakı Dövlət Universiteti, Azərbaycan Dövlət Neft Akademiyası, ADA Universiteti, Azərbaycan Texniki Universiteti, Bakı Ali Neft Məktəbi, Sumqayıt Dövlət Universiteti, Təfəkkür liseyi, 212 saylı orta məktəb, 169 saylı orta məktəb, BP, SİNAM, Buta sığorta, Azercell, Nivel Solutions və digər təşkilatlardan şagird, tələbə və ya müxtəlif sahələrdə faəliyyət göstərən şəxslər YFM 2015-ə layihə təqdim edərək, müsabiqədə iştirak ediblər.

3 Mart 2015 Salı

“Gənclərdə “Start-up” ruhu sürətlə inkişaf edir”









“Start-up”çı gənclər Azərbaycanın inkişafına töhfə verəcəklər. Bunun faydasını biz yaxın gələcəkdə görəcəyik”
 
Son zamanlar “təşəbbüskar olmaq”, “təşəbbüskarlıq” və s. kimi söz və ifadələri çox eşidirik. Müxtəlif müəssisələrdə təşəbbüskarlıqla bağlı seminarlar verilir. Oxucularımız üçün də maraqlı olacağını nəzərə alaraq, eskpertlərdən “Təşəbbüskarlıq nədir?”, “Kimlərə təşəbbüskarlar deyilir?”, “Təşəbbüskarlığa stimul verən amillər hansılardır?” və s. suallarımıza cavab öyrənməyə çalışdıq.
Qafqaz Universitetinin Texnoparkının direktoru İsa Qasımov bildirdi ki, Azərbaycan Prezidenti İlham Əliyevin son bir neçə ildə inkişaf ilə bağlı imzaladığı bütün sərəncamlarda təşəbbüskar yanaşma xüsusilə vurğulanır: “Təşəbbüskarlıq deyildikdə əsasən innovativ sahibkarlıq nəzərdə tutulur. Hazırda dövlət texnoparklarında bu tip sahibkarlara bir çox güzəştlər də tətbiq olunur”. Təşəbbüskar yanaşmanın dünyada çox populyar olduğuna diqqət çəkən İ. Qasımov fikrini belə davam etdirdi: “Müəyyən hədəfləri olan və bu istiqamətdə özünü yetişdirən insanlar təşəbbüskar insanlardır. Misal üçün, tələbələrimiz arasında elələri vardır ki, ümumiyyətlə, oxumağa maraq göstərmirlər. Elə tələbələrimiz də vardır ki, imtahanlardan keçmək xatirinə yaxşı oxuyurlar. Nümunə çəkdiyimiz bu iki tip tələbələrdən heç biri təşəbbüskar deyil. Amma elə tələbələrimiz də vardır ki, öyrəndikləri şeyləri seçib öyrənirlər ki, bu mənə gələcəkdə lazım olacaq. Belə gənclər oxuduqları materiallara bu nöqteyi-nəzərdən yanaşaraq, anlamadıqları məsələləri də müəllimlərindən öyrənməyə, araşdırmağa çalışırlar. Onların gələcəyə dair bir təşəbbüsləri olur”.

 “Təşəbbüskar yanaşmada səmərəlilik həmişə yüksək olur”
Müsahibimizin sözlərinə görə, təşəbbüskar yanaşmada səmərəlilik həmişə yüksək olur: “Dünyanın bütün inkişaf etmiş ölkələri yeni təşəbbüslərə qapı açmaqla buna nail olublar. Azərbaycan da ölkəyə qoyulan sərmayənin səmərəliliyini artırmaq məqsədilə təşəbbüskar yanaşmanı inkişaf etdirmək istəyir”.
İ. Qasımov dünyada “təşəbbüskar sahibkar” və “təşəbbüskar bürokrat (məmur)” ifadələrinin də geniş yayıldığını dilə gətirdi: “Sahibkarın təşəbbüskar olması kimi, bürokratların da təşəbbüskar olması çox vacibdir. Dövlət vəsaitlərinin səmərəli istifadə olunması, Dövlət proqramlarının uğurla həyata keçirilməsində dövlət qulluqçusunun nə dərəcədə təşəbbüskar olmasından çox şey asılıdır”.
 “Təşəbbüskarlığın inkişafı üçün sərbəst bazar mühiti formalaşdırılmalıdır”
Təşəbbüskarlığın inkişafına təkan verən amillər haqqında da danışan İ. Qasımov sözlərini belə davam etdirdi: “Təşəbbüskarlığın inkişafı üçün birinci növbədə sərbəst bazar mühiti formalaşdırılmalıdır. Çünki sərbəst bazar mühiti olduğu təqdirdə, insanlar daha çox qazanmaq istəyərlər. Bu da istər-istəməz innovativ sahibkarlığın inkişafını sürətləndirər. Eyni zamanda da qanunvericilik işləməlidir”. Müsahibimiz Azərbaycanda mövcud vəziyyəti belə şərh etdi: “Azərbaycan əmək bazarında köhnə - planlı iqtisadiyyatın yetişdirdiyi insanlar çoxdur. Təşəbbüskar mədəniyyət tam formalaşmayıb. Son dövrlər Azərbaycan Prezidenti İlham Əliyev tərəfindən imzalanan və bir çox sahələri əhatə edən dövlət proqramları isə ölkədə təşəbbüskar yanaşmanın inkişafına ilə bağlı böyük ümidlər verir”.
Gənclərdə “Start-up” (yeni biznes təşəbbüsü) ruhunun sürətlə inkişaf etdiyini qeyd edən İ. Qasımovun sözlərinə görə, tələbələr arasında öz işini qurmaq istəyənlərın sayı çoxalmaqdadır: “Start-up”çı gənclər Azərbaycanın inkişafına töhfə verəcəklər. Bunun faydasını biz yaxın gələcəkdə görəcəyik”.

 “Təşəbbüskarlıq dərsi verən kəslər bazarda formalaşan insanlar olmalıdırlar”
Uşaqların təşəbbüskar böyüməsi üçün təhsil sisteminin rolundan da danışan İ. Qasımov qeyd etdi ki, bu sahədə hazırkı vəziyyət qənaətbəxş hesab oluna bilməz: “Orta məktəblərdə bir neçə ildir ki, kurikulum tətbiq olunur. Hansı ki, kurikulum şagirdlərin təşəbbüskar şəxsiyyət kimi yetişməsini qarşıya məqsəd qoyur.  Ali məktəblərdə isə yaxşı olardı ki, təşəbbüskarlıq dərsləri keçirilsin. 2-3 universitetdə təşəbbüskarlığa yaxın mövzuda dərslər keçilir. Amma bu hələ tam təşəbbüskarlıq dərsi demək deyil. Çünki təşəbbüskarlıq mövzusunda dərs verən kəslər bazarda formalaşan insanlar olmalıdırlar, auditoriyada yox. Bazarda formalaşan insanların bu işə cəlb olunması həm də bu sahədə kitabxananın zənginləşməsinə səbəb olardı”. Sonda isə İsa Qasımov bildirdi ki, təşəbbüskarlığın inkişafı üçün hadisələrə kompleks yanaşmaq lazımdır: “Vətəndaşların təşəbbüskarlıq ruhunun inkişaf etdirilməsi üçün canlı və dinamik bir sistem formalaşdırılmalıdır. Belə olan təqdirdə, təşəbbüskarlıq insanların həyat tərzinə çevrilə bilər. Təşəbbüskarlıq insanların həyat tərzi olmalıdır”.

 “Start-up”çular bəzi hallarda onlara dəstək verilmədiyindən şikayətlənirlər”
Mövzumuzla bağlı fikirlərini “Zaman-Azərbaycan”la bölüşən internet üzrə ekspert Vüqar Bayramov isə bildirdi ki, hansısa innovativ ideyaları olan, müstəqil düşünə və fikirlərini həyata keçirə bilən insan təşəbbüskar insandır: “Təşəbbüskarlıq dəstəyə ehtiyac hiss etmir. Hazırda çox populyar bir söz var “start-up”. “Start-up”çular bəzi hallarda onlara vəsait dəstəyi verilmədiyindən şikayətlənirlər. Amma onlar bilməlidirlər ki, “start-up”çulara başlanğıcda heç kim pul verməz. Ona görə də yeni biznes təşəbbüsü olan insan birinci növbədə ideyasını müəyyən səviyyədə reallaşdırmalıdır. Daha sonra kimdənsə kömək ala bilər. Burada söhbət təkcə vəsait dəstəyindən getmir. Bu, ağıllı insanların mənəvi dəstəyi də ola bilər. Çünki “start-up”çuya ən yaxşı dəstək mənəvi dəstəkdir”.

 “Cəmiyyətimizin əsas problemlərindən biri uşaqların məqsədsiz böyümələridir”
Müsahibimizin sözlərinə görə, uşaqların təşəbbüskar böyüməsində cəmiyyətin üzərinə böyük yük düşür: “Misal üçün, ABŞ-da uşaqlara məktəb yaşından öyrədirlər ki, gördüyün bütün işin maddi qarşılığı olmalıdır. Sosial layihələrdə belə, bir məqsəd güdməlisən”. Azərbaycanda da insanlara uşaq yaşlarından etibarən öyrətmək lazımdır ki, onların birinci növbədə məqsədləri olmalıdır: “İnsan ot və ya mamır kimi məqsədsiz yaşaya bilməz. Hazırda bizim cəmiyyətimizin əsas problemlərindən biri uşaqların məqsədsiz böyümələridir. Tələbələrimizin böyük əksəriyyəti nə üçün oxuduqlarını bilmirlər”.
Müsahibimizin sözlərinə görə, Azərbaycanda İT (informasiya texnologiyaları) sahəsində yeni biznes təşəbbüsləri çoxalmaqdadır: “Ümumi götürdükdə isə, Azərbaycan gəncləri bu sahədə passivdirlər. Bunun əsas səbəbkarı ölkənin təhsil sistemidir. Azərbaycan təhsil sistemi gənclərdə yeni təşəbbüslər irəli sürməyə həvəs oyatmır”.
 Elvin Əliyev

http://zaman.az/az/newsDetail_getNewsById.action?newsId=65997